Isaías 2:20 - Q'eqchi Bible

²⁰ Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Li Santil hu

²⁰ Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Isaías 2:20 ပူးပေါင်းရင်းမြစ်များ

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 31:7

Sa' li kutan a'an chejunilex teetz'eqtaanaheb' li jalanil yos yiib'anb'il rik'in plaat jo'wi' eb' li jalam u oor li xeyiib' rik'in leeruq' xb'aan leemaa'usilal.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

Isaías 46:6

Wankeb' neke'isink naab'al li oor sa' li xjelooleb' ut neke'b'isok plaat sa' li peex; chirix chik a'an neke'xsik' junaq aj tenol ch'iich' re naq te'xyiib' junaq xyoseb' re xwiq'ib'ankil rib' chiru jo'wi' re xloq'oninkil.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Levítico 11:19

li ninqi jotz, chixjunil xpaayil li jotz, li mo' ut laj tz'uum xik'.

San Lucas 23:30

Toja' naq eb' li tenamit te'xtikib' xyeeb'al reheb' li tzuul: «T'anenqex chaq sa' qab'een»; ut reheb' li ninqi b'ool: «Chooheemuqaq!».

Isaías 17:8

Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Isaías 40:19

Ink'a' naru xjuntaq'eetankil rik'in li jalam u naxyiib' junaq aj tenol ch'iich', ut laj pak'onel naruutz'u'uji rik'in oor ut naxyiib'atq xkareen plaat re xk'eeb'al chi xkux.

Ezequiel 7:19

Te'xpaji li plaat sa'eb' li b'e ut te'xkuti li oor jo' tawi' li mul. Li oor ut li plaat li wank rik'ineb', ink'a' te'kole'q xb'aan sa' xkutankil xjosq'il li Qaawa'. Ink'a' tixkotz li xtz'okajikeb' chi moko tixk'ojob' li xch'ooleb', xb'aan naq li b'ihomal xk'amok reheb' chi maakob'k.

Ezequiel 14:6

Jo'kan naq aatinaheb' li ralal xk'ajol laj Israel chi jo'ka'in: «Jo'ka'in naxye li Qaawa': Sutq'inqex chaq wik'in, kanab'omaq leejalanil yos ut tz'eqtaanahomaq li maa'usilal nekeb'aanu».

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Génesis 35:4

Eb' a'an ke'xq'axtesi re laj Jakob chixjunileb' li jalanil yos li wankatqeb' rik'ineb', jo'kan ajwi' li xka'xikeb'; ut laj Jakob kixmuqeb' rub'el li ji li wank chi xk'atq Sikem.

Eclesiastés 3:6

Wank xq'ehil li sik'ok, ut wank xq'ehil li sachok. Wank xq'ehil li xokok, ut wank xq'ehil li tz'eqok.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.