Isaías 19:2 - Q'eqchi Bible

² “Tinchiq' xjosq'ileb' laj Ejiipt chirib'ileb' rib' -chan li Yos- ut li junjunq taayaloq rik'in li ras riitz'in: li wank ramiiw taayaloq rik'in li ramiiw, tenamit rik'in tenamit, ut awab'ejilal rik'in awab'ejilal.

Li Santil hu

² Li Ka̱cuaꞌ quixye: —La̱in tinchikꞌ xjoskꞌileb laj Egipto re nak teꞌpletik chi ribileb rib. Teꞌxpleti ribeb li ri̱tzꞌineb rib. Ut teꞌxpleti ribeb li rechcabal. Joꞌcan ajcuiꞌ eb li tenamit teꞌxpleti ribeb. Ut eb li cuanqueb xcuanquil teꞌxpleti ribeb.

Isaías 19:2 ပူးပေါင်းရင်းမြစ်များ

Jueces 7:22

Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

1 Samuel 14:20

Tikto laj Saúl ut chixjunileb' laj puub' li wankeb' rochb'een ke'xch'utub' rib'eb' ut koheb' chi yalok. K'ajo' li poqoqij ib' sa' xyanqeb' laj Filistea: yookeb' chi xkamsinkil rib' chirib'ileb' rib' xb'aan naq sachsookeb' xna'leb'!

San Mateo 10:36

ut eb' li xik' te'iloq re li junjunq, a'anaqeb' ajwi' li wankeb' sa' li rochoch.

San Mateo 12:25

A'ut li Jesus naxnaw li xk'a'uxeb', jo'kan naq kixye reheb': “Wi li x'awab'ejihom junaq nim xwankil jachjo chirib'il rib', taa'oso'q. Ut chixjunil li tenamit malaj junkab'al jachjo chirib'il rib', ink'a' truuq taakanaaq chi xaqxo.

San Mateo 10:21

“Li asb'ej tixq'axtesi chi kamsiik li riitz'in, li yuwa'b'ej a' li ralal; ut eb' li alalb'ej te'wakliiq chi xkamsinkil xna' xyuwa'.

Ezequiel 38:21

Laa'in tintaqla chaq k'iila rahilal ut xxiw sa' xb'een laj Gog, ut tinrahob'tesi rik'in yajel ut raxkamk. Tintaqla chaq kawil hab', saqb'ach, xam ut asuupr, ut eb' li xpoyanamil te'yaloq chirib'ileb' rib' rik'in ch'iich'. Laa'in, li Qaawa', xinyehok re a'in.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

1 Samuel 14:16

Eb' laj k'aak'alenel re laj Saúl li wankeb' Kibehá re Benjamín ke'ril li xk'ihaleb' laj Filistea yookeb' chi elelik yalaq b'ar.

Jueces 9:23

Ab'an li Yos kixtaqla jun li raaxiik' sa' xyanq laj Abimélek ut eb' li xjolomileb' laj Sikem, ut eb' a'in ke'xb'alaq'i laj Abimélek

San Mateo 24:7

Te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej, ut taawanje'q we'ej ut hiik sa' naab'al chi na'ajej.

Jeremías 46:12

Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Jeremías 51:46

Mich'inank leech'ool chi moko chexxiwaq xb'aan li esil yo xyeeb'al sa' li tenamit. Rajlal chihab' taa'ab'iiq jalan jalanq li esil: taanumtaaq li rahilal sa' xb'een li tenamit ut eb' li awab'ej te'yaloq chirib'ileb' rib'.

Zacarías 8:10

Xb'aan naq chiruheb' li kutan a'an maak'a' chaq li tojleb' cho'q reheb' li winq chi moko reheb' li xul neke'iiqank; maak'a' ajwi' li tuqtuukilal sa' xyanqeb' li poyanam xb'aaneb' li xik' neke'ilok reheb', ut laa'in ajwi' xinb'aanunk naq maak'a' li sahilal chirib'ileb' rib' li tenamit.

1 Reyes 16:21

Toja' naq eb' laj Israel ke'xjek' rib' sa' wiib' ch'uut: jun ch'uut koho chirix laj Tibní, ralal laj Kinat, re xxaqab'ankil cho'q awab'ej, ut li jun ch'uut chik koheb' chirix laj Omrí.

2 Crónicas 15:6

Ke'yalok kok' tenamit chirib'ileb' rib' jo' eb' ajwi' li xninqaleb' tenamit, xb'aan naq li Qaawa' kixxib'esiheb' rik'in k'iila paay ru chi ch'a'ajkilal.

Isaías 3:5

Li junjunq taaraj numtaak sa' xb'een li ras riitz'in: li saaj winq tixq'etq'eti rib' chiru li cheekel winq ut laj k'anjel tixpleeti li xnimal ru winq.

San Marcos 3:24

Wi junaq tenamit jachjooq chirib'il rib', ink'a' truuq taakanaaq chi xaqxo li tenamit a'an.