Isaías 19:1 - Q'eqchi Bible

¹ Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Li Santil hu

¹ Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Isaías 19:1 ပူးပေါင်းရင်းမြစ်များ

Éxodo 12:12

Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Josué 2:11

K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Ezequiel 30:13

“Laa'in, li Qaawa', ninye chi jo'ka'in: Tinjuk'i eb' li xjalam u li jalanil yos ut tinsach ruheb' li b'alaq'il yos re Menfis. Maajoq'e chik taawanq junaq li taa'awab'ejinq re Ejiipt, ut xiwajel tinkanab' li tenamit a'an.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Isaías 13:1

A'an a'in li kik'utb'esiik chiru laj Isaías, ralal laj Amós, chirix li rahilal tixk'ul li tenamit Babilonia:

Salmos 104:3

ut kayiib' laamuheb'aal sa' xb'eeneb' li ha'. Kak'eheb' li choql cho'q aab'eleb'aal ch'iich', ut nakatb'eek sa' xb'een xxik'eb' li iq'.

Deuteronomio 33:26

“Maajun junaq jo' li xYos laj Yesurún, li nab'eek sa' xb'eeneb' li choql re aatenq'ankil, sa' xb'een li choxa rik'in xnimal xwankil.

Zacarías 14:18

Ut wi eb' laj Ejiipt ink'a' te'taqe'q chi loq'onink, li Qaawa' Yos tixrahob'tesiheb' rik'in li rahilal tixrahob'tesiheb' wi' li tenamit li ink'a' te'chalq chi xninq'ehinkil li xNinq'eheb' li Muheb'aal.

Zacarías 10:11

Toja' naq te'nume'q wi' chik junpak'al li palaw re Ejiipt, te'xpaynumi chaq li xkawil oq li palaw ut tinchaqihob'resi li ha' re Nilo toj sa' xchamal. Tinsach li xq'etq'etil eb' laj Asiria ut tinjuk' li xwankilal eb' laj Ejiipt.

Jeremías 25:19

Kink'e ajwi' chi ruk' laj Parahón, li awab'ej re Ejiipt, eb' laj k'anjel chiru, eb' li xninqal ru winq ut re chixjunil li tenamit.

Isaías 21:9

We' chaq jun li b'eleb'aal ch'iich' kelonb'il chaq xb'aan jun sumal chi kawaay”, chan. Toja' naq jun chik li winq kixye: “X'oso'k, x'oso'k li tenamit Babilonia. Ut chixjunileb' li xjalam u li xyoseb' xlaje'puk'iik chiru ch'och'”, chan.

Isaías 19:16

Sa' li kutan a'an eb' laj Ejiipt chanchanaqeb' chik li ixq; siksootqeb' chiru li Nimajwal Yos naq A'an taaraj xtaqlankil chaq li rahilal sa' xb'eeneb'.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Salmos 104:34

Chiwulaq taxaq chiru li waatin, xb'aan naq li xsahil linch'ool nachalk rik'in li Qaawa'!

Salmos 68:4

A'ut eb' laj paab'anel neke'saho'k ut neke'b'ichank chiru li Yos xb'aan xsahilaleb' xch'ool.

Josué 2:24

chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Salmos 18:9

X'elk chaq b'uquqnak sib' sa' ru'uj, x'elk chaq xam sa' re, k'ajo' xtiqwal, jo'wi' ru xam yo chi k'atok.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Jeremías 44:8

K'a'ut naq nikineemajewa rik'in li k'aru nekeb'aanu, naq nekemayeja li k'ajpom chiruheb' li jalanil yos arin Ejiipt, b'arwi' kexchalk chi na'ajunk, yal re naq tinsach eeru ut tz'eqtaananb'ilaqex ut xutaanalaqex cho'q reheb' chixjunil li tenamit sa' ruuchich'och'?

Nahum 1:1

Xyehom li Qaawa' chirix li tenamit Nínive. A'an a'in li hu tz'iib'anb'il wi' li moy u kiril laj Nahúm, aj Elkós.

Nahum 1:3

Li Qaawa' nab'ayk chi josq'o'k, ab'anan jwal nim li xwankil, ut junelik naxk'e chi xtojb'al xmaak li ani xmaakob'k. Nab'eek sa' li kaqsut-iq', ut eb' li choql a'aneb' li xpojtz'il li roq.

Números 33:4

Eb' laj Ejiipt yookeb' chi xmuqb'aleb' li xb'een alalb'ej li ke'kamsiik xb'aan li Qaawa'. Chi jo'kan kiraqmank aatin sa' xb'eeneb' li xyoseb'.