Isaías 18:7 - Q'eqchi Bible

⁷ Chiruheb' li kutan a'an taayeechi'imanq jun li mayej cho'q re li Nimajwal Yos xb'aaneb' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil, a' li tenamit jwal kaweb' rib' chi yalok ut sutsuukeb' xb'aaneb' li nima'. Te'xk'am chaq xmayejeb' sa' li tzuul Sión b'arwi' naloq'oniik ru li Qaawa', li Nimajwal Yos.

Li Santil hu

⁷ Ta̱cuulak xkꞌehil nak li nimajcual Dios ta̱qꞌuehekꞌ xma̱tan xbaneb li tenamit li ni̱nkeb rok ut chꞌinaꞌuseb li cuanqueb saꞌ li naꞌajej li sutsu xbaneb li nimaꞌ. Eb li tenamit li cauheb rib, li nequeꞌxucua̱c ruheb yalak bar teꞌxcꞌam xma̱tan saꞌ li tzu̱l Sión bar nalokꞌoni̱c cuiꞌ li Ka̱cuaꞌ li nimajcual Dios.

Isaías 18:7 ပူးပေါင်းရင်းမြစ်များ

Sofonías 3:10

Toj junpak'al eb' li nima' re Etiopía tole'tz'aamanq ut tole'elajinq chiwu eb' li walal ink'ajol li cha'cha'inb'ileb', ut te'xk'amatq chaq xmayejeb'.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 18:4

Xb'aan naq jo'ka'in kixye we li Qaawa': “Maak'a' tinye ut yal tin'iloq chaq toj sa' linna'aj, jo'kaqin xtiqwal li saq'e sa' wa'leb', kama'aqin li xchu'ke sa' xq'ehil li q'olok.

2 Crónicas 32:23

Toja' naq naab'aleb' ke'xk'am chaq xmayej chiru li Qaawa', aran Jerusalén, ut ke'xk'e xsimaatan laj Esekías, awab'ej re Judá. Naq ak xk'ulmank chixjunil a'an, q'axal kinimank xwankil laj Esekías chiru chixjunileb' li tenamit.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

Isaías 16:1

Ex aj Mohab li wankex sa' li chaqich'och' re Selá, taqlahomaq eekarneer re li awab'ej li wan chaq Sión.

San Mateo 2:11

Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.

Isaías 18:2

a'an li tenamit li nataqlank reheb' li xtaql chiru ha' sa' kok' jukub' yiib'anb'ileb' rik'in b'ayl. Ex taql, ayuqex chi junpaat wankeb' wi' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil. Ayuqex rik'in li tenamit jwal kaweb' rib' chi yalok ut sutsuukeb' xb'aaneb' li nima'.

Habacuc 1:7

Q'axal kaweb' rib' ut xiwajel rilb'aleb', ut ka'ajwi' li xchaq'rab'eb' ut li xwankilaleb' neke'xpaab'.

Salmos 68:32

Toj Ejiipt che'chalq ta li ninqeb' xwankil, ut eb' laj Etiopía che'xtaqsi li ruq'eb' toj rik'in li Yos.