Isaías 18:6 - Q'eqchi Bible

⁶ Chixjunil taakanaaq cho'q reheb' li josq' aj xul sa'atqeb' li tzuultaq'a, cho'q xtib'eb' li so'sol ut eb' li josq' aj xul chiru li saq'ehil ut li hab'alq'e”.

Li Santil hu

⁶ Ut eb le̱ tibel teꞌcanaba̱k chi tꞌantꞌo̱queb saꞌ eb li tzu̱l. Ut teꞌtiꞌekꞌ xbaneb li soꞌsol ut eb li joskꞌ aj xul, joꞌ saꞌ sakꞌehil joꞌ ajcuiꞌ saꞌ li habalkꞌe.

Isaías 18:6 ပူးပေါင်းရင်းမြစ်များ

Jeremías 7:33

Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Isaías 56:9

Ex josq' aj xul, kimqex; ex xul li wankex chaq sa'eb' li k'iche', kimqex chi wa'ak.

Isaías 14:19

Ab'anan laa'at ink'a' xatmuqe'k sa' laamuqleb'aal, jo' naq natz'eqe'k li mul jwal chu, kama' jun kamenaq q'aajenaq aj chik, sa' xyanqeb' li kamsinb'ileb' chi ch'iich', sa' li jul nujenaq chi pek.

Isaías 23:13

Ilomaq chanru xkanaak Kaldeha: moko tenamit ta chik; eb' laj Asiria xe'q'axtesink re li na'ajej a'an reheb' li josq' aj xul. Xe'yiib'ank ochoch najteb' xteram re ok sa' li tenamit; xe'xjuk'i eb' li kawub'resinb'il ochoch ut po'lem chik xkanaak chixjunil.

Isaías 46:11

Sa' xjayal releb'l saq'e xinb'oq chaq jun li winq, li taachalq chaq sa' jun najtil tenamit jo' li t'iw ut tixb'aanu chixjunil li wajom. Ak jo'kan xinye, ut jo'kan tinb'aanu; kama'an xink'uub', ut jo'kan naq taa'uxmanq.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Ezequiel 31:13

Eb' li k'iila paay chi xik'anel xul te'wanq sa' xb'een li t'analk che' ut eb' li josq' aj xul te'wanq sa'eb' li xtoqol uq'.