Isaías 18:4 - Q'eqchi Bible

⁴ Xb'aan naq jo'ka'in kixye we li Qaawa': “Maak'a' tinye ut yal tin'iloq chaq toj sa' linna'aj, jo'kaqin xtiqwal li saq'e sa' wa'leb', kama'aqin li xchu'ke sa' xq'ehil li q'olok.

Li Santil hu

⁴ Li Ka̱cuaꞌ quixye cue: —Incꞌaꞌ tin-ecꞌa̱nk nak tin-ilok chak saꞌ choxa li nincuan cuiꞌ. Tincuil cꞌaꞌru yo̱queb li tenamit. Chanchanakin li sakꞌe nak tik tik ru nak ac xqꞌue jun cꞌasal li hab. Chanchanakin li chok li naxtꞌakresi li pim saꞌ sakꞌehil, chan li Ka̱cuaꞌ.

Isaías 18:4 ပူးပေါင်းရင်းမြစ်များ

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Isaías 18:7

Chiruheb' li kutan a'an taayeechi'imanq jun li mayej cho'q re li Nimajwal Yos xb'aaneb' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil, a' li tenamit jwal kaweb' rib' chi yalok ut sutsuukeb' xb'aaneb' li nima'. Te'xk'am chaq xmayejeb' sa' li tzuul Sión b'arwi' naloq'oniik ru li Qaawa', li Nimajwal Yos.

Isaías 14:32

K'aru taayeemanq reheb' li xtaql eb' laj Filistea li te'chalq qik'in? Taayeemanq reheb' naq li Qaawa' kik'ojob'ank re Sión ut aran te'xkol rib' li neb'a' wankeb' sa' li xtenamit li Yos.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

2 Samuel 23:4

chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

Oseas 14:5

Jo'kaqin li k'ajob' cho'q re laj Israel, ut a'an taa'atz'umaq jo' li saqihix. Tixchap xxe' chi us sa' ch'och', jo'eb' li che' re Líbano.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Salmos 72:6

Kama'aq li hab' li nat'ane'k sa' xb'een li pim, kama'aq li xchu'ke li nat'aqresink re li ch'och'.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

2 Crónicas 6:21

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.