Isaías 18:3 - Q'eqchi Bible

³ Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Li Santil hu

³ ¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Isaías 18:3 ပူးပေါင်းရင်းမြစ်များ

Isaías 5:26

Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

San Mateo 13:16

“Ab'an us xaq reheb' xsa' leeru xb'aan naq neke'ilok; us xaq reheb' leexik xb'aan naq neke'ab'ink.

San Mateo 13:9

Ani wank xxik, chi'ab'inq”.

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Miqueas 6:9

Li Qaawa' xjap re chi xb'oqb'al Jerusalén: “Ab'ihomaq, ex tenamit ut li nekexk'ehok na'leb'!

Miqueas 6:2

Ab'ihomaq, ex tzuultaq'a ut laa'ex li rub'elankil li ruuchich'och': li Qaawa' ok re sa' raqb'a aatin rik'in li xtenamit, ok re chi jitok chirix laj Israel.

Jeremías 22:29

Chejunilex li wankex sa' ruuchich'och', ab'ihomaq li raatin li Qaawa'.

Isaías 13:4

Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Isaías 7:18

Sa'eb' li kutan a'an li Qaawa' tixb'oqeb' chaq laj Ejiipt li jo'keb' xk'ihaleb' li suq, ut eb' laj Asiria li te'chalq chaq jo'keb' li kas.

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Salmos 50:1

Xsaalm laj Asaf. Li Qaawa', li Yos q'axal nim xwankil, x'aatinak ut xb'oqeb' chi ch'utlaak chixjunil li ruuchich'och', chalen chaq sa' releb'l li saq'e toj sa' rokeb'l.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Isaías 49:22

Jo'ka'in kixye li Qaawa' Yos: “Laa'in tink'ut li wuq' chiruheb' li tenamit ut tink'e junaq eetalil cho'q reheb' li poyanam, re naq te'xk'am chaq chi q'unq'u eb' laawalal ut eb' laarab'in te'k'ame'q chaq sa' xb'eeneb' xtel.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.