Isaías 18:2 - Q'eqchi Bible

² a'an li tenamit li nataqlank reheb' li xtaql chiru ha' sa' kok' jukub' yiib'anb'ileb' rik'in b'ayl. Ex taql, ayuqex chi junpaat wankeb' wi' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil. Ayuqex rik'in li tenamit jwal kaweb' rib' chi yalok ut sutsuukeb' xb'aaneb' li nima'.

Li Santil hu

² Eb li takl nequeꞌchal chak saꞌ li tenamit aꞌan. Nequeꞌchal saꞌ eb li jucub li yi̱banbileb riqꞌuin bayal. Ex takl, ayukex cuiꞌchic saꞌ le̱ tenamit riqꞌuineb li najt rokeb ut li chꞌinaꞌuseb. Sukꞌinkex cuiꞌchic saꞌ le̱ tenamit li cau rib li nequeꞌxucua̱c ruheb yalak bar, li tenamit li sutsu xbaneb li nimaꞌ.

Isaías 18:2 ပူးပေါင်းရင်းမြစ်များ

Isaías 18:7

Chiruheb' li kutan a'an taayeechi'imanq jun li mayej cho'q re li Nimajwal Yos xb'aaneb' li poyanam najteb' xteram ut ch'ina'us neke'ilok, li jwal xiwajel ruheb' chalen chaq junxil, a' li tenamit jwal kaweb' rib' chi yalok ut sutsuukeb' xb'aaneb' li nima'. Te'xk'am chaq xmayejeb' sa' li tzuul Sión b'arwi' naloq'oniik ru li Qaawa', li Nimajwal Yos.

2 Crónicas 16:8

Ma ink'a' tab'i' q'axal wi' chik naab'aleb' laj puub' aj Etiopía ut aj Libia, ut xiikileb' li xb'eleb'aal ch'iich' ut eb' li xkawaay ke'yalok wi' aawik'in junxil? Ab'anan rik'in naq xakawu aach'ool rik'in li Qaawa', A'an kixq'axtesiheb' sa' laawuq'.

2 Crónicas 14:9

Laj Séraj aj Etiopía koho chi yalok rik'in laj Asá rochb'een jun miiyon chi aj puub' ut o'lajuk'aal (300) chi b'eleb'aal ch'iich', ut kiwulalak toj Maresá.

Ezequiel 30:9

“Sa' li kutan a'an tintaqlaheb' lintaql li te'xik sa' jukub', re xxib'enkileb' laj Etiopía li toj k'ojk'ookeb' xch'ool. K'ajo'aqeb' xxiw chi rab'inkil resil li xsachik Ejiipt: nach' chik wank li kutan a'an.

Éxodo 2:3

ab'anan, naq kixk'e reetal naq ink'a' chik naru xmuqb'al, kixchap jun chakach yiib'anb'il rik'in b'ayal, kixtz'api ru rik'in b'etuun ut xq'ol che', kixk'e li k'uula'al chisa' ut koxkanab' chaq sa' xyanqeb' li kaxlan aj, chire li nima'.

San Lucas 10:19

Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere.

Li xHu LAJ JOB 9:26

Linyu'am naxik sa' junpaat jo' junaq jukub', jo' junaq t'iw nat'ane'k sa' xb'een li xtzak.

Jeremías 49:14

Jun ak' esil xwab'i rik'in li Qaawa', xtaqla chaq jun aj yehol esil sa' chixjunileb' li tenamit: “Junajiiq eerib' ut ayuqex chi yalok rik'in Edom! Kawresiiq eerib' re xik chi yalok rik'ineb'”.

Abdías 1:1

A'an a'in li kiril sa' moy u laj Abdías. A'in li raatin li Qaawa' kixye chirix laj Edom: Xqab'i jun esilal xchalk chaq rik'in li Qaawa'; jun aj yehol esil xtaqlaak sa' chixjunileb' li tenamit re xyeeb'al reheb': “Wakliiqo ut yo'qeb' chi yalok rik'ineb' laj Edom”. Li Qaawa' kixye re laj Edom:

Habacuc 1:7

Q'axal kaweb' rib' ut xiwajel rilb'aleb', ut ka'ajwi' li xchaq'rab'eb' ut li xwankilaleb' neke'xpaab'.