Isaías 17:8 - Q'eqchi Bible

⁸ Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Li Santil hu

⁸ Incꞌaꞌ chic teꞌxcꞌojob xchꞌo̱leb riqꞌuineb li artal li queꞌxyi̱b riqꞌuin rukꞌeb. Incꞌaꞌ chic teꞌxlokꞌoni lix jalam u̱ch lix Asera li queꞌxyi̱b, chi moco teꞌxlokꞌoni li sakꞌe.

Isaías 17:8 ပူးပေါင်းရင်းမြစ်များ

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Isaías 2:8

Xnujak ajwi' li xna'ajeb' chi jalanil yos, ut eb' li poyanam neke'xloq'oni ru li jalam u xe'xpak' rik'in ruq'eb'.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Sofonías 1:3

Tinsach ruheb' li poyanam ut eb' li xul, tinkamsiheb' li xik'anel xul jo'wi' eb' li kar; teb'ink'e chi tichk'ok li ink'a' useb' xna'leb' ut twisiheb' li winq sa' ruuchich'och'”, chan li Qaawa'.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 44:15

Chi jo'kan eb' li poyanam taawanq xsi'eb', te'q'ixinq chiru xam, malaj rik'in li che' a'an te'xchiq li kaxlanwa. Malaj ut te'xyiib' junaq jalam u chiru, re te'xwiq'ib' rib' chi xloq'oninkil ru.

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

2 Crónicas 34:4

Chiru ajwi' laj Josías ke'juk'mank li x'artal laj Bahal; ke'xputz'i eb' li artal namayejamank wi' li sununkil b'an, ut ke'xtoqi eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek, toj reetal ke'kok'puk'iik, ut li pojtz' kipajimank sa' xb'een xmuqleb'aaleb' li poyanam li ke'mayejak chiruheb'.

2 Crónicas 14:5

Kirisi sa' chixjunileb' li tenamit re Judá eb' li tijob'aal wankatqeb' chi tzuul ut eb' li artal nak'atmank wi' pom, ut li x'awab'ejihom laj Asá kiwank sa' tuqtuukilal chiru chixjunil li xyu'am.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Deuteronomio 7:5

A'an a'in li tento teeb'aanu: juk'umaq eb' li x'artal li wuqub' chi tenamit a'an, putz'ihomaq li xxaqab'anb'il pekeb', chetoqi eb' li xloq'laj toon che' ut teek'e xxamlel li xyoseb'.

2 Samuel 22:42

Chajchookeb' re chi xpatz'b'aleb' xtenq'aal, ab'anan maajun xkolok reheb'; xe'xyaab'a xk'ab'a' li Qaawa', ab'an ink'a' xsumeheb' li xtij.

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

Isaías 17:9

Sa' li kutan a'an te'kanab'aaq li tenamit jo' naq ke'kanab'aak li xtenamiteb' laj Amor ut laj Jib chiruheb' laj Israel: nakirirnak ut chaqich'och' te'kanaaq wi'.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.