Isaías 17:7 - Q'eqchi Bible

⁷ Sa' li kutan a'an li winq tixtaqsi li rilob'aal chiru Li kiyoob'tesink re ut taaril ru li xSant laj Israel.

Li Santil hu

⁷ Saꞌ eb li cutan aꞌan eb li cristian teꞌxtzꞌa̱ma xtenkꞌanquil riqꞌuin li Ka̱cuaꞌ li quiyoꞌobtesin reheb. Teꞌsukꞌi̱k cuiꞌchic riqꞌuin li Dios santo, lix Dioseb laj Israel.

Isaías 17:7 ပူးပေါင်းရင်းမြစ်များ

Miqueas 7:7

A'ut laa'in kaw nin'oyb'enink rik'in li Qaawa', k'ojk'o linch'ool rik'in li Yos laj kolol we: ninnaw naq A'an taa'ab'inq we.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Isaías 29:24

Eb' li sachalkeb' xna'leb', te'xtaw ru, ut eb' laj wech'onel te'xtzol li xtijb'aleb'”.

Isaías 22:11

Sa' xyanqeb' li suttz'ak xeyiib' jun li kumb' re xxokb'al li ha' li wank sa' li q'eel kumb'. Ab'anan ink'a' xek'e reetal naq a' li Qaawa' kib'aanunk re chixjunil a'an, ut ink'a' xek'oxla ani kik'uub'ank re a'an chalen chaq junxilaj.

Isaías 19:22

Li Qaawa' tixrahob'tesiheb' laj Ejiipt, ab'an tixk'irtasiheb' wi' chik. Eb' a'an te'xyot' xch'ool ut te'xjal xk'a'uxl chiru li Yos, ut A'an taaruxtaana ruheb' ut tixk'irtasiheb'.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

2 Samuel 22:42

Chajchookeb' re chi xpatz'b'aleb' xtenq'aal, ab'anan maajun xkolok reheb'; xe'xyaab'a xk'ab'a' li Qaawa', ab'an ink'a' xsumeheb' li xtij.

Salmos 95:6

Okanqex, chooloq'oninq, junb'uchlikaqo, qawiq'ib'aq qib' chiru li Qaawa': a'an laj winqob'resihom qe!

Amós 3:12

Jo'ka'in kixye li Qaawa': “Jo' naq laj ilol ketomq naxmaq' wiib'aq ra' malaj junaq xxik li karneer sa' re li kaqkoj, jo'kan ajwi' naq te'kole'q eb' laj Israel li wankeb' Samaria; ab'anan ka'ajwi' li roq xch'aateb' te'xk'am malaj junaq chaab'il isb'”.