Isaías 17:5 - Q'eqchi Bible

⁵ Taak'ulmanq kama' naq laj setonel naxxok chi joob' li awimq, naxch'ot li ru malaj naxxok li triiw sa' xtaq'ahil Refaín:

Li Santil hu

⁵ Li naꞌajej Israel nayamnac ta̱cana̱k joꞌ jun lix naꞌaj li acui̱mk nak ac xsiqꞌueꞌ li ru. Chanchanak li ru takꞌa re Refaim nak ac sicꞌbil chixjunil li ru li acui̱mk li na-el saꞌ li naꞌajej aꞌan.

Isaías 17:5 ပူးပေါင်းရင်းမြစ်များ

San Mateo 13:30

Kanab'omaqeb' wan chi k'iik chi xkab'ichaleb' toj sa' li q'olok. Ut sa' xq'ehil li q'olok tinye reheb' laj q'olonel: Xokomaq xb'enwa li yib' aj pim, ut b'ak'omaq chi joob' re k'ate'k; ut li triiw ch'utub'omaq sa' li k'uuleb'aal»”.

Joel 3:13

Xnumtaak li xmaa'usilaleb'; jo'kan naq setomaqeb' jo' na'uxk re li triiw sa' li q'olok; yatz'omaqeb' jo' na'uxk re li uub', xb'aan naq ak xnujak li yatz'leb'aal.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

2 Samuel 5:18

Toja' naq ke'wulak eb' laj Filistea ut ke'xtzolob' rib' sa' li xTaq'ahil Refaín.

2 Samuel 5:22

Ab'an jun sut chik eb' laj Filistea koheb' chi yalok ut ke'xtzolob' rib' sa' li xTaq'ahil Refaín.

Oseas 6:11

Ut cho'q aawe, at Judá, ak xaqxo sa' aab'een li xkutankil li tojb'amaak.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.

Isaías 17:11

Chiru jun kutan xawil chi moqk li awimq, sa' xkab' li kutan xawil chi atz'umak, ab'anan naq taachalq li yajel, taa'tz'umaaq ut q'axal nimaq chik li rahilal taak'ulmanq.

Josué 15:8

Chirix chik a'an naxik sa' xtaq'ahil Ben-Hinón, sa' rokeb'l iq', toj sa' xb'een xTel laj Jebús, naraj naxye toj Jerusalén. Sa' rokeb'l saq'e li xnub'ajl nawulak toj sa' xb'een li tzuul li wank sa' xjayal li xTaq'ahil Hinón, tz'aqal sa' releb'l iq' re li xTaq'ahil Refaín.

Josué 18:16

Chirix chik a'an nakub'eek sa' xmaril li tzuul li wank chiru li xtaq'ahil Ben-Hinón, sa' releb'l iq' re li xTaq'ahil Refaín, nakub'eek sa' li xtaq'ahil Hinón, sa' rokeb'l iq' wankeb' wi' laj Jebús, ut nakub'eek wi' chik toj En-Rokel.

Proverbios 27:25

Naq neke'tuxmek li che'k'aam ut nasetmank li raxpim, chach'utub' li pim sa'eb' li loq'laj tzuultaq'a.