Isaías 17:13 - Q'eqchi Bible

¹³ Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Li Santil hu

¹³ Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Isaías 17:13 ပူးပေါင်းရင်းမြစ်များ

Salmos 9:5

Xb'aan naq xinaakol sa' li raqb'a aatin, xachunub' aawib' sa' laak'ojarib'aal, laa'at li nakatraqok aatin sa' tiikilal.

Salmos 1:4

Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

Li xHu LAJ JOB 21:18

Ma xe'cha'cha'iik tab'i' jun sutaq jo' nak'ame'k li k'im xb'aan li iq', jo' nasaapuuk li xmoqoj ixim xb'aan li kaqsut-iq'?

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Isaías 27:1

Sa' li kutan a'an li Qaawa' tixrahob'tesi li xk'anti'il li palaw li jwal xiwajel ru ut aj eelel, rik'in li xq'esnal ch'iich' li jwal kaw ut nim roq; tixkamsi ajwi' li mama' xul wank sa' li ha'.

Isaías 14:25

Tinsach ruheb' laj Asiria sa' lintenamit ut tinyeq'iheb' sa' woq sa'atqeb' lintzuul re naq te'xkanab' eerahob'tesinkil chi moko texxtawasiheb' chik”.

Salmos 35:5

Chanchanaqeb' taxaq li xmoqojil ixim sa' iq'; li x'ánjel li Qaawa' chicha'cha'inq reheb'.

Li xHu LAJ JOB 38:11

Ut kinye re: “Toj arin xatwulak; arin te'xpik'a rib' laakaw oq”.

Salmos 65:7

Laa'at nakatxaqab'ank reheb' li tzuul sa' xna'ajeb' rik'in laametz'ew ut li xnimal laawankil;

Isaías 8:7

Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.

Isaías 21:15

Xb'aan naq yookeb' chi elelik chiru li kamk ut li nimla yalok, chiru li q'esnal ch'iich' ut li simaj li ak yo'oon wank.

Isaías 22:18

ut tatxtolk'osi chiru li helhookil ch'och' jo' na'uxk re li b'olotz. Aran tatkamq ut toxe'raqe'q laab'eleb'aal ch'iich' nakanima wi' aawib', ut taak'e sa' xutaan laj eechal aawe.

Isaías 34:17

Li Qaawa', a'an li kik'ehok reheb' sa' xna'ajeb' ut rik'in ruq' kixjek'i li xtenamit li junjunq. A'anaqeb' laj eechal re chi junajwa ut aran te'wanq chi junelik q'e kutan.

Isaías 40:15

Chiru li Qaawa' eb' li tenamit chanchaneb' jun tz'uqul chi ha' sa' junaq sek', kama' wi' junaq ru li pojtz' sa' li peex; eb' li na'ajej sa' xyi li palaw jo' raalal li xk'aj li pek.

Isaías 40:24

Chanchaneb' li kok' che' li toje' xe'awmank malaj xe'ch'ike'k sa' ch'och', ut toja' xe'ok xchapb'al xxe'. Wi li Qaawa' na'apunk sa' xb'eeneb', te'chaqiq, ut kama' li pim naq te'k'ame'q xb'aan li kaqsut-iq'.

Isaías 41:11

Chixjunileb' li xik' neke'ilok aawe te'kanaaq sa' xutaan ut te'kub'siiq xwankil; tik maak'a'eb' chik te'kanaaq eb' li neke'raj numtaak sa' aab'een.

Sofonías 2:2

naq toj maji' nekexrume'k chi najt, jo' na'uxk re li k'im li nasachk chiru jun kutan. Junajiiq eerib' rub'elaj naq taachalq sa' eeb'een li xnimal xjosq'il li Qaawa', naq toj maji' nawulak xkutankil li xjosq'il li Yos.

Salmos 65:8

laa'at nakatch'anab'ank re xyaab' li palaw, li xyaab' li xkawil oq li palaw jo' ajwi' li poqoqij ib' neke'xb'aanu li tenamit.

Isaías 30:28

Li xmusiq' chanchan li ha' naq nab'ut'irk ut ka'aj chik maa nalamsink. Li Qaawa' tixtz'il rix li xb'aanuhomeb' li tenamit re xsachb'al li xwankileb'; jo' naq nak'ehe'k li ch'iich' sa' re li kawaay, jo'kan ajwi' tixb'aanu li Qaawa' reheb' li tenamit re xpo'b'al li xna'leb'eb'.