Isaías 17:12 - Q'eqchi Bible

¹² Japeb' chaq re eb' li k'iila poyanam chi chalk, chanchan xyaab' li xkaw oq li palaw naq neke'xjap chaq reheb'. Neke'tenlok chaq chi chalk eb' li poyanam, jo' naq nakilinb'ak xyaab' li b'ut'iha'.

Li Santil hu

¹² Raylal ta̱cha̱lk saꞌ xbe̱neb li xni̱nkal ru tenamit li nequeꞌchokin nak nequeꞌchal chi pletic. Chanchan li choki̱nc li naxba̱nu li palau, malaj ut joꞌ nak na-ecꞌan lix cau ok li haꞌ.

Isaías 17:12 ပူးပေါင်းရင်းမြစ်များ

San Lucas 21:25

“Taawanq eetalil chiru li saq'e, chiru li po ut chiruheb' li chahim; ut te'yot'e'q ut te'sachq xch'ool li tenamit sa' ruuchich'och' xb'aan li xyaab' li xkaw oq li palaw;

Jeremías 6:23

Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Salmos 18:4

Ninyaab'a xk'ab'a' li Qaawa' xb'aan naq xk'ulub' nimaak ru, ut kolb'ilin chik chiruheb' li xik' neke'ilok we.

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Ezequiel 43:2

ut kiwil naq li xloq'al li xYos laj Israel yo chaq chi chalk sa' xjayal releb'l saq'e: nach'oxoxnak li xyaab' jo' li b'ut'iha', ut li ruuchich'och' kisaqeno'k ru xb'aan li xloq'al.

Isaías 28:17

Li k'ulub'ej tink'e cho'q b'isleb' sa' li xxaqab'ankil Sión, ut li tiikil ch'oolej tink'e cho'q aj tuqub'anel ru”. Li saqb'ach taasachoq re chixjunil li tik'ti' li nekekol wi' eerib', ut li b'ut'iha' taapo'oq re li nekekawub'resi wi' eech'ool.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Salmos 29:3

Li xyaab' xkux li Qaawa' na'ab'imank chaq sa' xb'eeneb' li ha', chanchan kaaq naq na'eek'ank li Yos li nim xloq'al: li Qaawa' wank sa' xb'eeneb' li k'iila ha'!

Números 10:35

Naq na'elk li Loq'laj Kaax, laj Moisés naxye: “Xaqlin, at Qaawa'! Che'xcha'chali ta rib' eb' li xik' neke'ilok aawe; che'eleliq li neke'tz'eqtaanank aawe”, chan.

Salmos 83:2

At Qaawa', matkanaak chi ch'anch'o, matmemo'k taxaq ut mathilank chik!

Isaías 8:9

Ch'utub'omaq eerib', ex tenamit, chi yooq leexiw. Ab'ihomaq, ex najtil poyanam: kawresiiq eerib', ab'an taaq'axe'q eeru; yo'oon wanqex chi yalok, ab'an texsache'q ajwi'.

Isaías 13:4

Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Miqueas 4:11

Anaqwan naab'aleb' li tenamit xe'xch'utub' rib' chi xxik'b'al aawilb'al: “Chimuxmanq Sión ut chisaho'q qach'ool rik'in rilb'al li roso'jik Jerusalén”, chankeb'.

Daniel 7:2

A'an a'in li kixtz'iib'a: “Laa'in laj Daniel kiwil sa' linmatk' chiru q'oqyink naq sa' xkaapak'alil li choxa kichalk li iq' ut kolxwulk'usi ru eb' li palaw,