Isaías 16:7 - Q'eqchi Bible

⁷ Jo'kan naq chixjunileb' laj Mohab te'yaab'aq chirix li xtenamiteb'; chi ra sa' xch'ooleb' te'jultiko'q reheb' li k'uluj yiib'anb'il rik'in uub' ke'xtzeka chaq aran Kir-Jaréset.

Li Santil hu

⁷ Eb laj Moab teꞌya̱bak xban li raylal li teꞌxcꞌul. Chixjunileb teꞌya̱bak nak ta̱julticokꞌ reheb lix tzacae̱mkeb yi̱banbil riqꞌuin chaki uvas li xeꞌxcuaꞌ aran Kir-hareset.

Isaías 16:7 ပူးပေါင်းရင်းမြစ်များ

2 Reyes 3:25

Chirix chik a'an ke'xjuk'iheb' li tenamit, chi xjunjunqaleb' ke'xkutuxi li pek chiruheb' li chaab'il ch'och' toj reetal kinujak; ke'xtz'apaxi eb' li yu'amha' ut ke'xyok'i eb' li che' neke'uuchink. Ka'aj chik li xsuttz'akil li tenamit Kir-Jaréset kikanaak. Ab'an eb' laj rant'in ke'xsut rix toj reetal ke'xjuk'.

Jeremías 48:20

Xutaanal xkanaak Mohab ut sachso xch'ool, xb'aan naq xsache'k xwankil. Yaab'anqex ut tz'uyinqex chirix! Yehomaq resil aran Arnón naq xjuk'e'k Mohab”.

Isaías 16:11

Jo'kan naq nachiq'lok xsa' linsa' xb'aan Mohab ut nayot'e'k li waanm chirix Kir-Jaréset.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

1 Crónicas 16:3

ut chixjunileb' laj Israel, jo' winq ut ixq, ke'xk'ul chixjunqaleb' xkaxlan waheb' jo'wi' jun k'uluj yiib'anb'il rik'in ru che' ut jun chik yiib'anb'il rik'in chaqi uub'.

1 Crónicas 12:40

Jun chik anchal, eb' li nach' wankeb' ut a'eb' ajwi' laj Isakar, laj Sabulón ut laj Neftalí ke'xk'am xtzekemqeb' chirixeb' li b'uur, chirixeb' li kameey, li muul ut li b'ooyx. Naab'al li k'a'aq re ru ke'xk'am: k'aj triiw, k'uluj yiib'anb'il rik'in iig ut uub', b'iin, aseeyt, naab'aleb' li wakax ut karneer, xb'aan naq numtajenaq li sahil ch'oolejil aran Israel.

Jeremías 48:31

Jo'kan naq tinyaab'aq ut tintz'uyinq chirixeb' laj Mohab, taamayoq linch'ool chirixeb' laj Kir-Jaréset.