Isaías 15:5 - Q'eqchi Bible

⁵ Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Li Santil hu

⁵ La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Isaías 15:5 ပူးပေါင်းရင်းမြစ်များ

Jeremías 48:5

Neke'huyhutk chi yaab'ak naq yookeb' chi taqsink Luhit; neke'ruk' li xya'al ruheb' naq yookeb' chi xik Joronáhin.

Jeremías 4:20

Sa' riiqaj rib' xchalk li rahilal sa' inb'een, ut chixjunil li tenamit xjuk'mank. Sa' junpaat xe'juk'e'k li qochoch ut xookanaak chi maak'a' chik qamuheb'aal.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Jeremías 13:17

Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Isaías 22:5

Xb'aan naq xwulak xkutankil li rahilal, li juk'uk ut li sachok taqlanb'il chaq xb'aan li Qaawa', li Nimajwal Yos. Sa' xTaq'ahil li Moy u yookeb' chi xjuk'b'al li suttz'ak ut li xyaab' kuxej xwulakje'k toj sa'eb' li tzuul chi xsutam.

Isaías 16:14

Ut anaqwan li Qaawa' naxye chi jo'ka'in: “Sa' oxib' chihab', jo' xchihab' li nakutanib'k, eb' laj Mohab taasache'q li xwankileb'. Us ta jwal naab'aleb', ab'anan jun ch'ina ch'uuteb' aj chik te'kole'q ut maak'a' chik te'ok wi'”.

2 Samuel 15:30

Laj David kitaqe'k sa' xb'een li tzuul Oliiw, ut tz'aptz'o li xjolom ut maak'a' xxaab' chi roq naq yo chi xik. Jo'kan ajwi' chixjunileb' li poyanam li rochb'een ke'xtz'ap xjolomeb' ut k'ajo' xyaab'eb' naq yookeb' chi taqe'k.

2 Samuel 15:23

Japjookeb' re chi yaab'ak chixjunileb'. Li awab'ej kixaqliik chire li nima' Sedrón naq eb' li tenamit yookeb' chi nume'k chiru sa' xb'ehil li chaqich'och'.

Génesis 19:22

Seeb'a aawib', ayu aran, xb'aan naq maak'a' truuq tinb'aanu wi toj maji' tat-ok aran”. Jo'kan naq Sohar kixk'ab'a'in li tenamit a'an.

Génesis 14:2

ke'yalok rik'in laj Birsá, awab'ej re Gomoor, rik'in laj Sinab, awab'ej re Admá, rik'in laj Semeber, awab'ej re Seboín, ut rik'in li awab'ej re Belá, Sohar ajwi' nayeemank re li tenamit a'an.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Números 21:29

Toq'ob' aawu, a Mohab, xat-oso'k, at tenamit Kamós. Xakanab'eb' chi elelik laawalal, ut eb' laarab'in xe'k'ame'k chi preexil xb'aan laj Sijón, awab'ej re Amor.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Jeremías 48:3

Japeb' re laj Joronáhin xb'aan li juk'ink ut li nimla rahilal.

Jeremías 50:46

Tz'aapixik rab'inkil li xt'anik Babilonia, ut li xyaab'eb' taa'ab'imanq sa' chixjunileb' li na'ajej”.