Isaías 15:4 - Q'eqchi Bible

⁴ Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Li Santil hu

⁴ Eb li cuanqueb Hesbón ut Eleale teꞌxjap reheb. Ut ta̱abi̱k lix ya̱beb toj saꞌ li tenamit Jahaza. Joꞌcan nak teꞌxucuak li soldado li cuanqueb Moab ut teꞌchꞌina̱nk xchꞌo̱leb.

Isaías 15:4 ပူးပေါင်းရင်းမြစ်များ

Jeremías 48:34

Li xyaab'eb' laj Jesbón nawulak toj Elalé ut na'ab'imank toj Yahás; na'uxk japok e Sohar ut na'ab'iik toj Joronáhin ut Eklat-Selisiyá, xb'aan naq xchaqik li nima' re Nimrín.

Apocalipsis 9:6

Sa'eb' li kutan a'an eb' li winq te'xsik' xkamikeb' ut ink'a' te'xtaw; te'rataw kamk, ab'an li kamk taa'eleliq chiruheb'.

Jonás 4:8

ut naq ki'elk chaq li saq'e, li Yos kixtaqla chaq jun tiqwal iq'. K'ajo' naq kitawasiik laj Jonás xb'aan xtiqwal li saq'e: kichalk xlub'ik ut kixpatz' li xkamik: “Q'axal us li kamk cho'q we chiru naq yo'yooqin”, chan.

Jonás 4:3

Jo'kan, at Qaawa', nintz'aama chawu naq isi linyu'am sa' li ruuchich'och'. Q'axal us naq tinkamq chiru naq yo'yooqin”, chan laj Jonás.

Jeremías 20:18

K'a' tawi' aj e naq kinyo'laak, yal re xaq k'uluk rahilal ut ch'a'ajkilal, ut re kanaak sa' xutaan chi junelik?

Jeremías 8:3

Ut q'axal us li kamk chiru li yu'amej cho'q reheb' chixjunil li te'kole'q re a reemaaru aj tenamit a'in, sa'eb' li na'ajej b'arwi' teb'incha'cha'i -chan li Nimajwal Yos-.

1 Reyes 19:4

Chirix chik a'an jun kutan kib'eek xjunes sa' li chaqich'och', toj reetal kiwulak ut kihilank rub'el jun toon chi che'. Aran q'axal kixrahi li kamk ut kixye: “Tz'aqalaq li rahilal a'in, at Qaawa'! Us raj wi tinaak'e chi kamk xb'aan naq moko jwal chaab'ilin ta chiruheb' linxe'toonil yuwa'!”, chan.

Jueces 11:20

Ab'an laj Sijón ink'a' kixkanab'eb' laj Israel chi nume'k sa' li xna'aj, kixch'utub'eb' b'an chixjunileb' li xpoyanam, koxe'xk'ojob' li xmuheb'aaleb' aran Yahás ut ke'ok chi yalok rik'ineb' laj Israel.

Josué 13:18

Yahás, Kedemot, Mepahat,

Deuteronomio 2:32

“Laj Sijón ki'elk chaq, rochb'een chixjunileb' li xtenamit, re yalok qik'in aran Yahás,

Números 21:23

Ab'an laj Sijón ink'a' kiraj naq eb' laj Israel te'nume'q sa' li xna'aj, kixch'utub'eb' b'an chixjunileb' li poyanam ut ke'elk chi xk'ulb'aleb' laj Israel sa' li chaqich'och'. Naq ke'wulak Yahás, ke'ok chi yalok rik'ineb'.

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

Génesis 27:46

Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

Jeremías 48:21

Xwulak li raqb'a aatin sa' xb'eeneb' li tenamit wankeb' chiru taq'a: aran Jolón, Yahás, Mepahat,