Isaías 14:6 - Q'eqchi Bible

⁶ li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Li Santil hu

⁶ Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.

Isaías 14:6 ပူးပေါင်းရင်းမြစ်များ

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Jeremías 25:26

chixjunileb' li awab'ej wankeb' chaq sa' xjayal releb'l iq', eb' li wankeb' chi nach' jo'wi' li wankeb' chaq chi najt chirib'ileb' rib', ut chixjunileb' li awab'ej li wankeb' junsut junrub'el choxa. Ut li awab'ej re Babilonia taa'uk'aq sa' xraqik.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 10:14

Xinxok li xb'ihomaleb' li tenamit, xinchap chixjunil li xch'och'eb', jo' naxoke'k junaq kanab'anb'il mol sa' xsuk li xik'anel xul, ut maajun x'eek'ank chi moko xjap re chinxib'esinkil”.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Li xHu LAJ JOB 9:13

Ink'a' nach'anaak chi junpaat li xjosq'il li Yos; rub'el roq neke'kanaak li palaw ut eb' li neke'okenk chirix li Mama' Xul.

2 Crónicas 36:17

Toja' naq li Qaawa' kixtaqla chaq li awab'ej re Kaldeha chi yalok rik'ineb' laj Judá. Ut a'an kixkamsiheb' chi ch'iich' eb' li kaweb' rib', sa' rochoch li Yos, ut ink'a' kiril xtoq'ob'aal ruheb' li saaj winq, eb' li tuq'ixq, eb' li cheekel winq chi moko eb' li saq aj chik rismal xjolomeb': chixjunileb' ke'q'axtesiik xb'aan li Qaawa' sa' ruq'eb' laj Kaldeha.

Isaías 14:5

Li Qaawa' xsach xwankileb' li ink'a' useb' xna'leb', xtoqi li xche'eb' laj rahob'tesinel,

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Habacuc 1:17

Ma toj yooqeb' laj Kaldeha chi xchapb'aleb' li tenamit ut yooqeb' chi kamsink poyanam chi ink'a' neke'ril xtoq'ob'aal ruheb'?

Proverbios 28:15

Jo' li kaqkoj naxjap re ut li tz'uqtz'un naxt'upi li xtzak, jo'kan naxb'aanu li maak'a' xna'leb' chi awab'ejink sa' xb'eeneb' li neb'a'.

Jeremías 48:17

Chiraho'q eech'ool chirix Mohab, laa'ex li wankex chi xsutam ut nekexnawok ru; yaab'anqex chirix ut yehomaq: «Xtoqe'k li kawil che' a'in, x'oso'k li xwankil ut li xloq'al Mohab», cha'qex.

Habacuc 2:5

Relik chi yaal naq li b'ihomal nab'alaq'ik; li maak'a'eb' xna'leb' neke'xyal xq'e chi xsik'b'al xtumineb', ut junelik neke'raj xkomon: chanchaneb' li kamk, chanchaneb' li xjulel kamenaq li junelik yo chi royb'eninkil eb' li te'ok chisa'. Neke'xik yalaq b'ar chi sachok tenamit, chi ink'a' nak'ojlaak xch'ooleb'.