Isaías 14:1 - Q'eqchi Bible

¹ Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Li Santil hu

¹ Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Isaías 14:1 ပူးပေါင်းရင်းမြစ်များ

Salmos 102:13

A'ut laa'at, at Qaawa', nakat-awab'ejink chi junelik; maajoq'e taakanab'aaq xpatz'b'al laak'ab'a'.

Zacarías 1:17

Li ánjel kixye wi' chik we chi jo'ka'in: “Jap wi' chik aawe chi xyeeb'al: «Jo'ka'in naxye li Nimajwal Yos: Eb' lintenamit te'nujaq chi sahil eechej. Tink'ojob' wi' chik xch'ool Sión ut tinsik' wi' chik ru Jerusalén cho'q intenamit»”.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Jeremías 50:33

“Eb' laj Israel ut eb' laj Judá yo xrahob'tesinkileb'; chixjunileb' li xik' neke'ilok reheb' ink'a' neke'xkanab'eb' chi elk.

Isaías 49:13

Ex choxa ut ruuchich'och', japomaq eere xb'aan xsahil eech'ool. Ex tzuul, pisk'onqex ut b'ichanqex, xb'aan naq li Qaawa' xk'ojob' xch'ool li xtenamit ut xril xtoq'ob'aal ruheb' li wankeb' sa' rahilal.

Jeremías 29:14

Tink'e wib' chi tawe'k eeb'aan ut tink'eheb' chaq chi sutq'iik leekomon li wankeb' chaq chi preexil; texwisi chaq sa' chixjunileb' li tenamit ut na'ajej b'arwi' xexincha'cha'i, texinch'utub' ut texinsutq'isi wi' chik sa' li na'ajej b'arwi' kexwisi. Laa'in, li Qaawa', ninyehok re a'in».

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Isaías 44:1

“Ab'i, a Israel, aj k'anjelat chiwu; ab'i, a Jakob, insik'om chaq aawu.

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Isaías 27:6

Chiruheb' li kutan chaalel laj Jakob tixchap xxe'; laj Israel taa'atz'umaq ut taak'ihanq, tixnujob'resi li ruuchich'och' rik'ineb' li ralal xk'ajol.

Salmos 143:12

Sa' xk'ab'a' xnimal laarahom chasach ruheb' li xik' neke'ilok we. Che'oso'q taxaq chixjunileb' li neke'rahob'tesink we, xb'aan naq laa'in aj k'anjel chawu, at Qaawa'.

Salmos 98:3

Ink'a' xsachk sa' xch'ool li xrahom ut li xchaab'ilal rik'ineb' li ralal xk'ajol laj Israel. Toj sa' xmaril li ruuchich'och' xe'ril li xkolom ut li xrahom li qaYos.

Ester 8:17

sa' chixjunileb' li tenamit ut li teep kiwulak wi' li esil a'in, k'ajo' naq ke'saho'k xch'ooleb' laj Judiiy ut ke'xninq'ehi rik'in tzekank. Ut naab'aleb' winq sa'eb' li tenamit a'an ke'xk'ul li sirkunsisyon ut ke'kanaak cho'q aj Judiiy xmaak xxiweb' chiruheb' laj Judiiy.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

San Lucas 1:54

Junelik wank sa' xch'ool li xnimal ruxtaan; jo'kan naq kolxtenq'a laj Israel li xmoos,

Isaías 41:9

Laa'in kin'isink chaq aawe toj sa' xmaril li ruuchich'och', katinb'oq chaq toj sa' li na'ajej jwal najt ut kinye aawe: “Laa'at aj k'anjel chiwu”. Laa'in insik'om chaq aawu ut ink'a' katintz'eqtaana.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Isaías 49:15

Ab'anan, ma wank tab'i' junaq na'b'ej nasachk sa' xch'ool li xk'uula'al malaj naxkanab' xraab'al li tz'aqal ralal? Us ta jo'kan naxb'aanu junaq na'b'ej, a'ut laa'in ink'a' tatinsach sa' inch'ool.

Isaías 49:25

Li Qaawa' naxye naq naruuk: “Eb' li wankeb' chi preexil te'maq'e'q chiru li kaw rib', ut li reechanihom li josq' aj winq taa'eleliq chiru. Laa'in tinyaloq rik'ineb' li te'raj yalok aawik'in, ut tinkoleb' laawalal aak'ajol.

Isaías 54:3

xb'aan naq tatk'ihanq chi yo'oon, eb' laawalal aak'ajol te'reechani naab'aleb' li tenamit ut te'wanje'q sa'eb' li na'ajej yamyookeb' anaqwan.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Isaías 56:3

Naq junaq ab'l tenamit tixq'axtesi rib' re li Qaawa', ink'a' naru tixye: “Li Qaawa' ink'a' tinxk'ul sa' xyanqeb' li xtenamit”. Chi moko li winq kapuninb'il tixye: “Laa'in jun chaqiche'”.

Isaías 60:10

Eb' li jalaneb' xtenamit teeyiib'anq re laasuttz'akil, ut eb' li x'awab'ejeb' te'k'anjelaq chawu. Us ta xatinrahob'tesi xb'aan linjosq'il, ab'an anaqwan twuxtaana aawu xb'aan xchaab'ilal linch'ool.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Ezequiel 47:22

A'anaq leereechanihom; a'anaq ajwi' li na'ajej te'tz'aq li jalaneb' xtenamit wankeb' sa' eeyanq ut xe'wank ralal xk'ajoleb' sa' eeyanq. Juntaq'eet teeril jo'eb' aj Israel; sa' xjek'inkil li ch'och' eb' a'an ajwi' te'tz'aq na'ajej sa' eeyanq laa'ex aj Israel.

Salmos 102:14

Waklin, at Qaawa', ut chawuxtaana ru li tenamit Sión. Ak xtaw xq'ehil xtoq'ob'ankil ru: anaqwan tz'aqal li xhonalil!

Isaías 19:18

Sa' ajwi' li kutan a'an oob' reheb' li tenamit sa' xteepal Ejiipt te'aatinaq jo'eb' laj Kanahán ut te'xye xjurament sa' xk'ab'a' li Qaawa', li Nimajwal Yos; ut jun reheb' li tenamit a'an tixk'ab'a'in: “Xtenamit li Saq'e”.

Isaías 21:1

Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.

Jeremías 30:8

Chiru li kutan a'an laa'in tinkoleb' lintenamit ut tinjuk'i li xwankilaleb' li yookeb' chi rahob'tesinkeb' re. Ink'a' chik te'tawasiiq xb'aaneb' laj ab'l tenamit,

Jeremías 31:4

Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 51:51

Laa'ex nekeye: “Xutaanal xookanaak, xb'aan naq naqab'i li qahob'b'al; xookaqo'k xb'aan qaxutaan rik'in rilb'al naq eb' laj ab'l tenamit xe'ok chaq sa' qayanq ut xe'xmux li xsantil ochoch li Yos”, chankex.

Ezequiel 16:60

Ab'an laa'in toj wank sa' inch'ool li sumwank kink'ojob' aawik'in naq toj saajat chaq, ut tinxaqab' xwankil linsumwank chi junajwa.