Isaías 13:9 - Q'eqchi Bible

⁹ We' chaq xkutankil li Qaawa', xiwajelaq li xxamlel li xjosq'il, re xkanab'ankil li ruuchich'och' chi nakirirnak aj chik, jo' ajwi' re xsachb'aleb' laj maak li wankeb' chisa'.

Li Santil hu

⁹ Cuulac re xkꞌehil nak li Ka̱cuaꞌ ta̱rakok a̱tin saꞌ xbe̱neb li tenamit. Cꞌajoꞌ li raylal teꞌxcꞌul saꞌ li cutan aꞌan nak li Dios tixcꞌutbesi lix joskꞌil chiruheb. Tixsach chixjunil li cuan Babilonia ut tixsach ajcuiꞌ ruheb chixjunileb laj ma̱c.

Isaías 13:9 ပူးပေါင်းရင်းမြစ်များ

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Nahum 1:6

Ani taaruuq taakuyuq re li xjosq'il? Ani taawanq chi xaqam chiru naq taajosq'o'q? Li xjosq'il naxpuka rib' chanchan li xam, ut chiru A'an neke'xjor rib' eb' li saqoonak.

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

Nahum 1:2

Li Qaawa' a'an jun Yos aj sowen ut aj eeqajunel; na'eeqajunk ut k'ajo' li xjosq'il. Ink'a' nasachk sa' xch'ool li xmaakeb' li xik' neke'ilok re.

Salmos 104:35

Che'oso'q ta eb' laj maak sa' ruuchich'och', ut ink'a' chik che'wanq li ink'a' useb' xna'leb'. Tinnima ru li Qaawa' chi anchal linch'ool!

Proverbios 2:22

A'ut eb' li ink'a' useb' xna'leb' isinb'ilaqeb' sa' li na'ajej a'in; eb' laj b'alaq' te'sachmanq chi junwaakaj.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Ezequiel 13:5

Tik maak'a' xe'xb'aanu re xkolb'aleb' laj Israel, chi moko xe'xwaklesi li xsuttz'akil li tenamit, re tixkuy xnumsinkil li raaxiik' sa' xkutankil li Qaawa'.

Joel 1:15

Rahil kutan chalk re! Nach' chik wank li xKutankil li Qaawa'; xiwajel rilb'al li sachok chalk re xb'aan li Nimajwal Yos.

Joel 2:31

Taa'aak'ab'o'q ru li saq'e ut li po taakik'o'q ru, rub'elaj xk'ulunik li xKutankil li Qaawa', a' li xnimal ru kutan ut q'axal xiwajel”.

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Zacarías 14:1

At Jerusalén, naq taawulaq xKutankil li Qaawa', chixjunil li k'a'aq re ru aawe taacha'cha'iiq.

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

Isaías 34:8

Xb'aan naq a'anaq xkutankil li eeqajunk cho'q re li Qaawa', a'anaq xchihab'il li q'axok u cho'q re laj kolol re Sión.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Ezequiel 30:3

xb'aan naq ak xnach'ok chaq xkutankil li Qaawa'. Jwal aak'ab'aq ru li kutan a'an, xkutankil li raqb'a aatin sa' xb'eeneb' li tenamit.

Joel 2:1

Yaab'asihomaq li pur aran Sión, yehomaq li esil a'in sa' linsantil tzuul. Che'xiwaq chixjunileb' li wankeb' Judá, xb'aan naq chalk re li xKutankil li Qaawa', nach' chik wank li kutan a'an:

Sofonías 1:15

A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,