Isaías 13:22 - Q'eqchi Bible

²² Eb' li sakol jaapaq reheb' sa'eb' li ochoch najteb' xteram, ut eb' li ch'ina'usil kab'l wanqeb' laj xojb' chisa'. Li xhonalil li xsachik Babilonia ak xnach'ok chaq, yal ajlanb'il kutan aj chik taa'oso'q wi' li tenamit”.

Li Santil hu

²² Eb li chꞌo hix ut laj xoj teꞌxjap reheb saꞌ eb li palacio ut saꞌ eb li cab li najt xteram li nequeꞌxcol cuiꞌ ribeb li tenamit. Cuulac re xkꞌehil nak ta̱sachekꞌ ru li tenamit Babilonia.—

Isaías 13:22 ပူးပေါင်းရင်းမြစ်များ

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Isaías 35:7

Li chaqich'och' taakanaaq jo' li saab' ru ut li pojtz' ch'och' taasutq'iiq cho'q yo'leb'aal ha'. Sa' li na'ajej li xe'wank wi' li josq' aj xul taak'iiq chik li kaxlan'aj ut li kala'.

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Isaías 34:13

Pajl taak'iiq sa'eb' li xchaq'alil ru ochoch re Edom; warak'ix ut k'aamla te'yo'laaq sa'eb' li kawub'resinb'il ochoch. A'anaq chik xna'ajeb' laj xojb' ut rochocheb' laj tak' ra'.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Salmos 44:19

Ink'a' xoosutq'iik chiqix re aakanab'ankil, chi moko xoo'elk ta sa' laab'e re aatz'eqtaanankil.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Isaías 43:20

Eb' li josq' aj xul, eb' laj xojb' jo'wi' eb' laj tak' ra' te'xk'e inloq'al, xb'aan naq taayo'laaq li ha' sa' li chaqich'och' ut te'wanq nima' sa' li joxk' ch'och', re naq te'uk'aq lintenamit sik'b'ileb' ru inb'aan.

Jeremías 9:11

“Jun tuub' chi pek tinsutq'isi wi' Jerusalén, cho'q xna'ajeb' laj xojb'; nakirirnak tinkanab' chixjunileb' li tenamit sa' xteepal Judá ut maajun chik taakanaaq chisa'”.

Jeremías 48:16

Nach' chik wank li roso'jik Mohab, xseeb'ank chaq li raaxiik' sa' xb'een.

Lamentaciones 4:3

A'atqeb' li ixqi xojb' neke'xk'e xtu' eb' li ral; ab'an lintenamit jalan chik li xk'a'uxl: neke'xkanab' sa' b'e eb' li k'uula'al, jo' naxb'aanu laj tak' ra' sa' chaqich'och'.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Isaías 34:14

Eb' li yak te'wanq rochb'eeneb' laj xojb' ut eb' li chib'aat te'xb'oqatq rib'; aran ajwi' taawanq li anum Lilit xk'ab'a'.

Sofonías 2:14

Te'juk'manq eb' li tz'alamche'il ochoch, ut aran chik te'hilanq eb' li ketomq jo'wi' chixjunileb' li k'iila paay chi xxulel k'iche'. Aran te'warq eb' li jotz ut eb' li k'ix uch sa' xb'eeneb' li oqech; eb' li warom te'yaab'aqje'q sa' li b'entaan ut eb' li tuntz'oq sa'eb' li okeb'aal.