Isaías 13:21 - Q'eqchi Bible

²¹ A'eb' chik li josq' aj xul te'wanq aran, ut eb' li warom te'xch'ik rib' sa'eb' li ochoch; aran ajwi' wanqeb' laj tak' ra' ut te'pisk'oqje'q eb' li yuk.

Li Santil hu

²¹ Aran teꞌcua̱nk li xul li nequeꞌcuan saꞌ li chaki chꞌochꞌ. Eb li cuarom teꞌcua̱nk saꞌ eb li ochoch ut teꞌcua̱nk ajcuiꞌ aran li ni̱nki xul avestruz xcꞌabaꞌ. Ut eb li chiba̱t re qꞌuicheꞌ teꞌpiscꞌok aran.

Isaías 13:21 ပူးပေါင်းရင်းမြစ်များ

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Isaías 23:13

Ilomaq chanru xkanaak Kaldeha: moko tenamit ta chik; eb' laj Asiria xe'q'axtesink re li na'ajej a'an reheb' li josq' aj xul. Xe'yiib'ank ochoch najteb' xteram re ok sa' li tenamit; xe'xjuk'i eb' li kawub'resinb'il ochoch ut po'lem chik xkanaak chixjunil.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Jeremías 50:39

“Jo'kan naq Babilonia tkanaaq cho'q xna'ajeb' laj xojb' ut eb' li yak, ut maajoq'e chik taatenamito'q.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Sofonías 2:14

Te'juk'manq eb' li tz'alamche'il ochoch, ut aran chik te'hilanq eb' li ketomq jo'wi' chixjunileb' li k'iila paay chi xxulel k'iche'. Aran te'warq eb' li jotz ut eb' li k'ix uch sa' xb'eeneb' li oqech; eb' li warom te'yaab'aqje'q sa' li b'entaan ut eb' li tuntz'oq sa'eb' li okeb'aal.

Levítico 11:16

laj tak' ru, li warom, li xjotzha', chixjunil xpaayil li k'uch,

Isaías 14:23

Tinsutq'isi li tenamit a'an cho'q xna'ajeb' li warom ut saab' ha'. Ut chanchan mesunb'il tinkanab' li na'ajej naq tinsach ru”, chan li Nimajwal Yos.

Isaías 25:2

Xakok'putz'i li tenamit, ut eb' li kawub'resinb'il na'ajej po'lem xakanab'. Xajuk' li rochocheb' li xik' neke'ilok qe ut maahoon wulaj chik taakab'laaq.