Isaías 13:16 - Q'eqchi Bible

¹⁶ Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Li Santil hu

¹⁶ Eb li cocꞌal sacꞌbileb chiru pec nak teꞌcamsi̱k chiruheb li naꞌbej yucuaꞌbej. Telajeꞌcꞌamekꞌ chixjunil li cꞌaꞌru cuan reheb saꞌ rochocheb. Ut eb li rixakileb telajeꞌchapekꞌ xbaneb li cui̱nk.

Isaías 13:16 ပူးပေါင်းရင်းမြစ်များ

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Oseas 10:14

Jo'kan naq taawanq li mululij ib' sa' leetenamit ut te'juk'e'q chixjunileb' leekawub'resinb'il ochoch. Teek'ul li kik'ulmank aran Bet-Arbel naq laj Salmán kixsach li tenamit a'an sa' xkutankil li yalok, naq eb' li na'b'ej ke'pik'aje'k chiru ch'och' rochb'eeneb' li xkok'aleb'.

Zacarías 14:2

Sa' li kutan a'an laa'in tinch'utub'eb' chixjunil li tenamit re naq te'yaloq rik'in Jerusalén. Ut taa'eechaniiq li tenamit, taayamtesimanq xsa' eb' li ochoch, te'maakoniiq eb' li ixq, ut jun yiijacheb' li tenamit te'k'ame'q sa' najtil na'ajej. Yal jun ch'ina ch'uut aj chik te'kanaaq.

Lamentaciones 5:11

Sa' xteepal Judá ut Sión xe'xmux eb' li qixaqil ut eb' li tuq'ixq.

Isaías 13:18

Chi simaj te'xkamsi eb' li saaj al, ink'a' te'ril xtoq'ob'aal ruheb' li k'uula'al, chi moko te'xkuy xmaakeb' li kok'al.

Isaías 14:21

Kawresihomaq eerib' chi xkamsinkileb' li ralal xk'ajol xb'aan li xmaakeb' li xna' xyuwa'eb', re naq ink'a' chik te'wakliiq chi numtaak sa' xb'een li ruuchich'och' chi moko te'k'ojob'anq chik tenamit junsut junrub'el choxa”.

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Jeremías 51:22

Wochb'eenat naq xinkamsiheb' winq ut ixq, cheekel winq ut saaj aleb', eb' li ch'ajom ut eb' li tuq'ixq.