Isaías 13:13 - Q'eqchi Bible

¹³ Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Li Santil hu

¹³ La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Isaías 13:13 ပူးပေါင်းရင်းမြစ်များ

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Lamentaciones 1:12

Laa'ex li nekexnume'k sa' li b'e, ilomaq ut k'ehomaq reetal wi wank ta junaq rahilal juntaq'eet rik'in li yookin chi xk'ulb'al laa'in! Li Qaawa' xtaqla chaq li raaxiik' a'in naq xchalk li xnimal xjosq'il sa' inb'een.

Isaías 51:6

“Taqsihomaq leerilob'aal sa' choxa ut ilomaq li ruuchich'och' taq'a: li choxa taa'oso'q jo' li sib', ut li ruuchich'och' taaq'eelo'q jo' junaq aq'ej; eb' li xpoyanamil te'kamq jo'kaqeb' li suq. A'ut linkolb'a ib' taawanq chi junelik ut lintiikilal maajoq'e taa'oso'q.

Isaías 34:4

Sachaamilaqeb' li chahim, li saq'e ut li po, li choxa tixmoch rib' jo' junaq hu; ut chixjunileb' li chahim li wankeb' chiru choxa te'chupq jo' naq natz'umaak li xtux li uub', kama' naq naq'ano'k li xxaq li xche'el li iig.

Li xHu LAJ JOB 9:6

A'an naxchiq'le li ruuchich'och' sa' xna'aj ut naxchiq'chiq'i eb' li roqechal.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

Salmos 88:16

Chalen chaq sa' insaajilal q'axal xtoq'ob'aal wu ut jwal yajin; yo laajosq'il sa' inb'een, laajosq'il yo, ink'a' chik ninkuy.

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 23:11

Li Qaawa' xye' li ruq' sa' xb'een li palaw, xjuk' xwankileb' li awab'ej ut xk'e chi sache'k eb' li kawub'resinb'il ochoch re Kanahán.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 24:18

Li ani ink'a' taakamq xb'aan li xxiw toxt'ane'q sa' li jul; ut li taa'elq chaq sa' li jul toxt'ane'q sa' li ra'al. Taateeq'uuq li choxa ut taachalq chaq li b'ut'iha', ut te'chiq'chiq'iiq eb' li roqechal li ruuchich'och'.

Isaías 24:19

Li ruuchich'och' taa'eek'asiiq sa' xna'aj, taapuk'e'q, taa'itz'e'q toj reetal kok'putz' taakanaaq.

Isaías 21:1

Resilal li rahilal tixk'ul li chaqich'och' wank chire li palaw: Jo' li kaqsut-iq' nanume'k Nejeb, jo'kan ajwi' yo chaq chi chalk li nimla rahilal sa' li chaqich'och', sa' li tenamit xiwajel ru.

Isaías 47:1

“Kub'si aawib', chunlan sa' pojtz', at tuq'ixq re Babel li maak'a' chik aawankil! Chunlan sa' ch'och', at xrab'in eb' laj Kaldeha; ink'a' chik te'xye aawe: «Q'un aach'ool ut tuulanat».

Jeremías 51:1

Jo'ka'in kixye li Qaawa': “Tintaqla jun kawil kaqsut-iq' chi xsachb'al ru Babilonia jo'wi' eb' laj Kaldeha.