Isaías 13:11 - Q'eqchi Bible

¹¹ “Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Li Santil hu

¹¹ Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Isaías 13:11 ပူးပေါင်းရင်းမြစ်များ

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Isaías 5:15

Li junjunq taakub'siiq xwankil chi junajwa ut eb' li q'etq'et te'xkub'si rib'eb'.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Isaías 14:21

Kawresihomaq eerib' chi xkamsinkileb' li ralal xk'ajol xb'aan li xmaakeb' li xna' xyuwa'eb', re naq ink'a' chik te'wakliiq chi numtaak sa' xb'een li ruuchich'och' chi moko te'k'ojob'anq chik tenamit junsut junrub'el choxa”.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Isaías 3:11

Ab'an toq'ob' ru li ink'a' us xna'leb', xb'aan naq taaq'ajkamuuq jo' chanru li xyehom xb'aanuhom.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Li xHu LAJ JOB 40:12

Kub'siheb' xwankil li neke'xnimob'resi rib', ut sach ruheb' li yib'ru xna'leb'eb', a' yaal b'ar wankatqeb'.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Isaías 14:5

Li Qaawa' xsach xwankileb' li ink'a' useb' xna'leb', xtoqi li xche'eb' laj rahob'tesinel,

Isaías 22:14

Toja' naq li Qaawa', li Nimajwal Yos, xye we: “Li maak a'in ink'a' taakuymanq toj reetal toxexkamq”, chan li Nimajwal Yos.

Isaías 23:9

A' li Nimajwal Yos xk'uub'ank re a'in re xsachb'al li xq'etq'etil Tiro chirix li xnimal xloq'al ut re xkub'sinkileb' xwankil li neke'xnima rib' sa' ruuchich'och'.

Isaías 24:21

Sa' li kutan a'an li Qaawa' taaraqoq aatin sa' xb'eeneb' li wankeb' xwankil taqe'q sa' li choxa, ut arin taq'a, sa' xb'eeneb' li wankeb' xwankil sa' ruuchich'och'.

Isaías 25:3

Jo'kan naq jun tenamit jwal kaw rib' neke'xk'e aaloq'al, ut eb' li poyanam li jwal josq'eb' neke'xxiwa aawu.

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Isaías 29:20

Xb'aan naq maak'a'aq chik li kawil taqlank, ak sachb'ilaqeb' chik eb' laj eetz'unel, ut talaje'oso'q chixjunileb' li neke'raj b'aanunk maa'usilal,

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

Jeremías 48:29

Naqanaw naq q'axal q'etq'eteb' laj Mohab: neke'xk'e xwankileb', neke'numtaak ut jipeb'.

Habacuc 2:4

Taa'oso'q li ink'a' tiik ru xyu'am, ab'an li tiik xch'ool taawanq xyu'am xb'aan li xpaab'aal”.

Proverbios 11:31

Wi li tiik xch'ool naxk'ul li xq'ajkamunkil arin sa' ruuchich'och', ma toja' ta chik laj maak ut li ink'a' us xna'leb'.

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

Isaías 25:5

malaj kama' xtiqwal li saq'e sa' chaqich'och'. Ab'an laa'at nakakub'si xwankileb' laj ab'l tenamit jo' naq nakakotz xtiqwal li saq'e rik'in li choql, ut nakach'anab' xb'icheb' laj rahob'tesinel.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.