Isaías 12:4 - Q'eqchi Bible

⁴ ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Li Santil hu

⁴ Ta̱cuulak xkꞌehil nak eb li tenamit teꞌxye: —Bichahomak xlokꞌal li Ka̱cuaꞌ. Cheqꞌuehak xlokꞌal lix cꞌabaꞌ. Yehomak resilal reheb li tenamit li nalajxba̱nu li Ka̱cuaꞌ. Yehomak resilal nak kꞌaxal nim lix cuanquil.

Isaías 12:4 ပူးပေါင်းရင်းမြစ်များ

Salmos 105:1

Chexyoxinq chiru li Qaawa', cheyaab'a li xk'ab'a'; chepuktesi resil li xninqal xb'aanuhom reheb' li tenamit.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

Jeremías 50:2

“Yehomaq ut puktesihomaq li esil a'in sa'eb' li tenamit; k'ehomaq chi nawe'k ut mik'a' eemuq: «Xchapmank li tenamit Babilonia! Xkanaak sa' xutaan li yos Bel ut nasiksotk li yos Marduk xb'aan xxiw. Maak'a' chik na'ok wi' eb' li xjalanil yos, xlaje'sache'k chixjunileb'».

Salmos 57:5

Jiljookin sa' xyanqeb' li kaqkoj li neke'k'uxuk reheb' li poyanam; tz'aqal jutz' che' ut ral simaj li ruuch reheb', ut li ru'uj raq'eb' a'an jun q'esnal ch'iich'.

Salmos 18:46

Eb' laj ab'l tenamit neke'lajk xmetz'ew, ut neke'siksotk naq neke'xkanab' chaq li xmuqb'al rib'eb'.

Nehemías 9:5

Laj Josué, laj Kadmiel, laj Baní, laj Jasabnías, laj Serebías, laj Hodías, laj Sebanías ut laj Petajías aj Levíheb' ke'xye: “Xaqlinqex ut chenimaaq ru li Qaawa' leeYos junq'e junq'e kutan. Usilaatinanb'il taxaq li xloq'laj k'ab'a', li q'axal nim xloq'al ut xwankilal chiru chixjunil li naru xyeeb'al”.

Éxodo 33:19

Kichaq'ok li Qaawa': “Laa'in tinnumsi chixjunil li wusilal chaka'yab'aal ut tinye aawe link'ab'a'. Xb'aan naq nawusilaheb' li nawaj rusilankileb', ut nawuxtaanaheb' li nawaj ruxtaanankileb'.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 33:5

Li Qaawa' q'axal nim xwankil xb'aan naq sa' choxa wank; xnujob'resi Sión rik'in li tiikilal ut li k'ulub'ej,

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Salmos 113:5

Ani ta chik jo' li Qaawa' li qaYos? A'an nak'ojlaak toj taqe'q,

Salmos 107:22

Chexmayejaq ut chexyoxinq, yehomaq resil li xninqal xb'aanuhom chi sa sa' eech'ool!

Salmos 97:9

Xb'aan naq laa'at li Qaawa', li Nimajwal Yos sa' xb'een li ruuchich'och'; laa'at li nim aawankil sa' xb'eeneb' chixjunileb' li yos.

Salmos 96:3

Jultikahomaq li xloq'al reheb' li poyanam, yehomaq li xninqal ru b'aanuhom reheb' chixjunil li tenamit.

Salmos 73:28

A'ut li wank chi xk'atq li Yos a'an li us cho'q we: laa'in xinq'axtesi wib' rub'el roq rub'el ruq' li Qaawa', ut nawaj xpuktesinkil resil chixjunil li xb'aanuhom.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Salmos 40:5

Us xaq re li xkawuuk xch'ool rik'in li Yos, us xaq re li ink'a' naxjunaji rib' rik'ineb' li q'etq'et, a'eb' li sachenaqeb' chirixeb' li jalanil yos.

Salmos 34:3

Laa'in ninnima wib' sa' xk'ab'a' li Qaawa': ab'ihomaq laa'ex li neb'a' ut chisaho'q sa' eech'ool!

Salmos 22:31

Eb' li walal ink'ajol te'k'anjelaq chiru

Salmos 21:13

Xb'aan naq laa'at tat-aanilasinq reheb', laa'at tatjayalinq reheb' rik'in laasimaj.

Salmos 9:11

Aawik'in taxaq kawaqeb' xch'ool chixjunil li neke'nawok laak'ab'a', xb'aan naq ink'a' nakakanab'eb' xjunes li neke'sik'ok aawe, at Qaawa'.

1 Crónicas 16:8

“Chexyoxinq chiru li Qaawa', cheyaab'a li xk'ab'a', chepuktesi resil li xninqal ru xb'aanuhom reheb' li tenamit.

Salmos 148:13

Cheterq'usi xk'ab'a' li Qaawa' xb'aan naq ka'ajwi' li xk'ab'a' jwal nim xloq'al; xaqxo li xwankil sa' xb'een li choxach'och'!

Isaías 26:8

Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

Isaías 42:12

Che'xnimaaq xloq'al li Qaawa', che'xpuktesiiq resil li xwankil toj sa'atqeb' li tenamit li wankatqeb' chire li palaw.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Salmos 68:5

Chexb'ichanq sa' xk'ab'a' li Qaawa' ut chexwajb'aq chiru, chete li b'e chiru li nachalk sa' choql. A'an Qaawa' naxk'ab'a'in; sahoqex rik'in.