Isaías 12:2 - Q'eqchi Bible

² A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Li Santil hu

² Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 12:2 ပူးပေါင်းရင်းမြစ်များ

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Salmos 118:14

Li Qaawa' a'an xkawub' linch'ool ut li ninb'ichank wi'; a'an laj kolol we.

Apocalipsis 7:10

Ut eb' a'an ke'xjap re chi kaw xyaab'eb' xkux: “Li kolb'a ib' nachalk rik'in li qaYos k'ojk'o sa' li xnimajwal k'ojarib'aal, ut rik'in li Karneer”, chankeb'.

Jonás 2:9

A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Salmos 83:18

Che'kanaaq sa' xutaan ut numtajenaqeb' xxiw chi junelik; che'sachq xch'ool ut che'oso'q,

1 Timoteo 3:16

Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

Oseas 1:7

Ab'anan twil xtoq'ob'aal ru eb' laj Judá ut tinkoleb': maawa' rik'in simaj malaj q'esnal ch'iich', rik'in yalok malaj kawaay, chi moko rik'ineb' li neke'xik chirixeb' kawaay, sa' ink'ab'a' b'an laa'in li Qaawa', li xYoseb'”.

Isaías 62:11

K'ehomaq reetal naq li Qaawa' kixpuktesi resil a'in toj sa' xmaril li ruuchich'och': “Yehomaq re li tenamit Sión: Il, we' chaq laj Kolol aawe rochb'een chaq li xkolom, k'amolb'e chaq chiru li xq'ajkamunkileb' li ak xkoleb'”.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

1 Samuel 2:1

Lix Ana kitijok chiru li Yos ut kixye chi jo'ka'in: “K'ajo' naq nasaho'k linch'ool rik'in li Qaawa', nintaqsi linjolom sa' xk'ab'a' linYos, sa nekeb'inse'e li xik' neke'ilok we. Laa'at xinaakol: k'ajo' xsahil li waanm!

Li xHu LAJ JOB 13:16

Mare chi jo'kan naru tinkole'q, xb'aan naq ani ink'a' us xna'leb' ink'a' naru tixk'ut rib' chiru li Yos.

Salmos 112:8

K'ojk'o li xch'ool ut ink'a' naxiwak, toj toxril chi sache'k eb' li xik' neke'ilok re.

Isaías 10:24

Jo'ka'in xyehom li Nimajwal Yos: “Mexxiwak, ex intenamit li wankex Sión. Meexiwa ruheb' laj Asiria, us ta tate'xrahob'tesi rik'in che' ut tz'uum jo' ke'xb'aanu eb' laj Ejiipt.

Isaías 17:10

Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Isaías 27:5

Ab'an wi eb' li xik' neke'ilok re lintenamit te'xpatz' xtenq'ankileb' we, xk'amaqeb' wan rib' sa' usilal wik'in; wik'in tento naq te'xk'am rib' sa' usilal!”.

Isaías 49:5

Tintaw inloq'al chiru li Qaawa' ut A'an tz'aqal li nak'ehok inkawilal. Ut anaqwan kixye we li Qaawa', li kik'uub'ank chaq we rik'in linna' re naq tink'anjelaq chiru, re xsutq'isinkil chaq wi' chik laj Jakob rik'in A'an ut re xjunajinkileb' li ralal xk'ajol laj Israel:

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 65:18

Sahoqex ut chiwanq nimla sahilal chi junelik xb'aan li k'aru tinyoob'tesi: ok we chi xyoob'tesinkil jun ak' Jerusalén nujenaqaq chi sahil ch'oolej. Ut numtajenaqaq li xsahilal xch'ooleb' li te'wanq aran.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Joel 2:23

Ex aj Sión, chisaho'q leech'ool ut sahoqex rik'in li Qaawa' leeYos. Xb'aan naq A'an nak'ehok eere leetzekemq chi tz'aqal rik'in xtaqlankil chaq li hab' sa' xq'ehil, kama' chaq junxil.

Habacuc 3:18

ab'an laa'in taasaho'q linch'ool rik'in li Qaawa', k'ojk'ooq li waanm rik'in li Yos laj kolol we.

2 Samuel 7:24

Laa'at xatxaqab'ank reheb' laj Israel re naq a'anaqeb' laatenamit chi junelik ut laa'ataq li xYos.

Salmos 65:6

At qaYos, aj Kololat qe, laa'at nakasume li qatij rik'in sachb'ach'oolej. Aawik'in k'ojk'ookeb' xch'ool li wankeb' sa' xmaril li ruuchich'och' jo' ajwi' li wankeb' chire li palaw, toj chi najt.

Salmos 68:20

Usilaatinanb'il taxaq li Qaawa' wulaj wulaj! A'an na'ilok qe, a'an li Yos aj kolol qe.

Salmos 68:21

Li qaYos a'an jun Yos aj kolonel, a'an na'isink qe sa' ruq' li kamk.

Salmos 118:21

Ninyoxink chawu xb'aan naq xinaawab'i; laa'at xinaatenq'a ut xinaakol.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 38:20

At Qaawa', kim chinkolb'al, ut toob'ichanq toowajb'aq chiru chixjunil li qayu'am sa' rochoch li qaYos.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?