Isaías 11:9 - Q'eqchi Bible

⁹ Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Li Santil hu

⁹ Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 11:9 ပူးပေါင်းရင်းမြစ်များ

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Salmos 72:19

Usilaatinanb'il taxaq li xloq'laj k'ab'a' chi junelik; chinujaq taxaq chixjunil li ruuchich'och' rik'in xloq'al! Jo'kan taxaq, jo'kan taxaq!

Li xHu LAJ JOB 5:23

Eb' li pek sa' li awimq ut li josq' aj xul te'wanq sa' amiiwil aawik'in.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Isaías 45:6

re naq chixjunileb' te'xnaw, chalen chaq sa' xjayal releb'l saq'e toj sa' rokeb'l, naq moko wank ta chik junaq yos chiwu laa'in. Laa'in li Qaawa' ut maak'a' chik junaq.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Isaías 35:9

Maak'a'aq chik aran li kaqkoj chi moko te'nume'q li josq' aj xul sa' li b'e a'an; ka'ajeb' wi' li kolb'ileb' te'b'eeq aran.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Isaías 11:13

Toja' naq eb' laj Efraín ink'a' chik te'xkaqali eb' laj Judá ut eb' laj Judá ink'a' chik te'xrahob'tesi eb' laj Efraín; ink'a' chik xik' te'ril rib' li wiib' chi tenamit a'an.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

Salmos 78:54

Kixk'ameb' li xtenamit toj sa' li loq'laj na'ajej, toj sa' li tzuul li ki'eechaniik xb'aan li xnim uq'.

Isaías 11:8

Li k'uula'al li toj natu'uk taab'atz'unq chire xjulel li k'anti', ut li toje' xmaq'e'k li xtu' tixch'ik li ruq' sa' xsok li q'anb'olay.

Isaías 33:6

ut junelik nak'ehok chi wank sa' sahilal. Li choxahil na'leb' ut li chaab'il k'a'uxl a'an tz'aqal li sahil eechej nakolok; li roxloq'inkil ru li Qaawa' a'anaq laab'ihomal.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

Ezequiel 47:5

Kixb'is wi' chik waqxaqib' xwaqlajuk'aal moqoj ut ak nima' chik, tik ink'a' kinru chi nume'k chisa'; ka'ajwi' sa' numx naru nume'k junpak'al.

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Isaías 32:16

Li tiikilal taa'uuchinq sa' li chaqich'och' ut li k'ulub'ej taawanq sa' li xna'aj li awimq;

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.