Isaías 11:4 - Q'eqchi Bible

⁴ Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Li Santil hu

⁴ Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Isaías 11:4 ပူးပေါင်းရင်းမြစ်များ

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

Apocalipsis 19:15

Sa' re na'elk chaq jun li q'esnal ch'iich' re xyok'b'aleb' li tenamit. Tixb'eresiheb' rik'in b'aar ch'iich', ut a'an ajwi' taayatz'oq uub' re risinkil li b'iin, reetalil li xnimal xjosq'il li Nimajwal Yos.

Malaquías 4:6

A'an taasutq'isinq re li xch'ooleb' li na'b'ej yuwa'b'ej rik'ineb' li ralal xk'ajoleb', ut li xch'ooleb' li alalb'ej rik'ineb' li xna' xyuwa'eb', re naq wanqeb' sa' tuqtuukilal. Chi jo'kan ink'a' tolinsach chi junajwa li ruuchich'och'”, chan li Nimajwal Yos.

Li xHu LAJ JOB 4:9

Li Yos na'apunk sa' xb'eeneb', ut neke'oso'k; nachalk xjosq'il li Qaawa', ut neke'sache'k.

San Mateo 5:5

Us xaq reheb' li tuulaneb', xb'aan naq te'reechani li loq'laj na'ajej yeechi'inb'il xb'aan li Yos.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Santiago 3:13

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

Gálatas 5:23

tuulanil, kuyuk ib'. Maak'a' junaq chaq'rab' naxye naq ink'a' us xb'aanunkil chixjunil a'in.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 2:9

Taajuk'eb' rik'in b'aar ch'iich', taamuch'iheb' jo' junaq pak'b'il sek'”, chan we.

Apocalipsis 2:16

Yot' b'i' aach'ool jal aak'a'uxl. Wi ut ink'a', tinxik chi seeb' wankat wi' ut tinyaloq rik'ineb' a'an chiru li ch'iich' na'elk chi xtz'uumal we.

Apocalipsis 1:16

Sa' li xnim uq' wankeb' wuqub' chi chahim ut sa' re na'elk chaq jun li jutz' ch'iich' ka'pak'al xq'esnal, ut li xnaq' ru kama' li saq'e naq nalemtz'unk chi k'ajo' xtiqwal.

Tito 3:2

Me'xhob' anihaq, maawa'aqeb' aj yoob'anel ch'a'ajkilal, q'unaqeb' b'an xch'ool ut che'wanq tz'aqal sa' tuulanil chiruheb' chixjunil.

Isaías 32:1

K'ehomaq reetal: taawanq junaq awab'ej li taa'awab'ejinq sa' tiikilal, ut eb' laj k'amol b'e te'raqoq aatin jo' chanru li k'ulub'ej.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 16:5

toja' naq jun sa' xyanqeb' li ralal xk'ajol laj David taa'ok cho'q awab'ej, taa'awab'ejinq rik'in chaab'ilal ut tiikilal, tixk'e xch'ool chi xsik'b'al li yaal ut seeb'aq xk'a'uxl chi raqok aatin jo' xk'ulub' li junjunq.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

Hechos 9:1

Laj Sawlo toj yo ajwi' chi xk'oxlankil xxib'esinkil eb' li xtzolom li Qaawa' ut xkamsinkileb', kiwulak rik'in li xyuwa'il aj tij

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Isaías 3:14

Li Qaawa' xchalk chi xb'oqb'aleb' sa' raqb'a aatin, ut tixye reheb' li cheekel winq ut eb' laj k'amol xb'e li xtenamit: “Laa'ex xexsachok re li wawimq uub', ut xnujak leerochoch rik'in li k'aru xerelq'a reheb' li neb'a'.

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Salmos 110:2

Chalen chaq toj Sión tatxk'e li Qaawa' chi awab'ejink: chiwanq laawankil sa' xb'eeneb' li xik' neke'ilok aawe!

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 14:30

Toja' naq eb' linneb'a' te'wanq xtzekemq ut eb' li toq'ob'aal ruheb' sa chik te'wanq; a'ut leeralal eek'ajol te'kamq xb'aan li we'ej, ut wi wanq junaq li taakole'q, laa'in tinkamsi”.

Isaías 26:6

re naq taayeq'iiq sa' roqeb' li neb'a' jo' ajwi' xb'aaneb' li lub'lub'eb'”.

Isaías 30:28

Li xmusiq' chanchan li ha' naq nab'ut'irk ut ka'aj chik maa nalamsink. Li Qaawa' tixtz'il rix li xb'aanuhomeb' li tenamit re xsachb'al li xwankileb'; jo' naq nak'ehe'k li ch'iich' sa' re li kawaay, jo'kan ajwi' tixb'aanu li Qaawa' reheb' li tenamit re xpo'b'al li xna'leb'eb'.

Isaías 30:31

Xb'aan naq te'ok xxiweb' laj Asiria, yal rik'in rab'inkil xyaab' xkux li Qaawa' ut xk'ulb'al li xrahob'tesinkileb'.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 40:7

Natz'umaak li uutz'u'uj ut nachaqik li pim, naq li xmusiq' li Qaawa' na'apunk sa' xb'eeneb'.

Isaías 49:2

Kixk'e chi xtz'uumal we li aatinak chi yaal, jo' tawi' li q'esnal ch'iich', ut kinxkol rik'in xwankilal li ruq'; kinxji' jo' jun simaj q'esq'es li ru'uj ut sa' rochochil li simaj kinxk'uula.

Li xHu LAJ JOB 15:30

Ink'a' taakole'q chiru li aak'ab': chanchanaq li che' k'atb'il xb'aan li xam, ut li iq' xk'amok re li ratz'um.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Oseas 6:5

Jo'kan naq xintaqlaheb' li propeet chesachb'al ut xexinkamsi rik'in li waatin. Chanchan naq nayo'laak li saqenk naq tinraqoq aatin sa' eeb'een.