Isaías 11:14 - Q'eqchi Bible

¹⁴ Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.

Li Santil hu

¹⁴ Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Isaías 11:14 ပူးပေါင်းရင်းမြစ်များ

Joel 3:19

Ejiipt taasache'q chi junajwa ut Edom nakirnak taakanaaq jo' li chaqich'och', xb'aan li rahilal ke'xb'aanu reheb' laj Judá, naq ke'xkamsi li maak'a'eb' xmaak sa' li xtenamiteb'.

Daniel 11:41

Moqon chik taa'ok sa' li xchaq'alil ru na'ajej, ut naab'aleb' te'kamsiiq aran; ab'anan te'xkol rib'eb' laj Edom, eb' laj Mohab ut li xk'ihaleb' laj Amón.

Jeremías 49:28

Jo'ka'in kixye li Qaawa' chirixeb' laj Kedar ut eb' li awab'ej re Jasor, li ke'q'axe'k ru xb'aan laj Nabukodonosor, li awab'ej re Babilonia: “Xaqlinqex ut ayuqex chi yalok rik'in Kedar, sachomaqeb' ru li poyanam wankeb' sa' xjayal releb'l saq'e.

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Amós 9:12

re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

San Mateo 8:11

Ninye eere naq naab'aleb' te'chalq sa' releb'l ut sa' rokeb'l saq'e, ut tole'hilanq sa' meex rochb'eeneb' laj Abrahán, laj Isahak ut laj Jakob, sa' li xnimajwal wankilal li choxa;

Sofonías 2:5

Ra chaalel sa' eeb'een laa'ex aj Kreta, li wankex chire li palaw. Li Qaawa' ak xraqok aatin sa' eeb'een: “Laa'ex aj Kanahán, xteepalex aj Filistea, ok we chejuk'b'al, ut maajun chik tkanaaq.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 16:14

Ut anaqwan li Qaawa' naxye chi jo'ka'in: “Sa' oxib' chihab', jo' xchihab' li nakutanib'k, eb' laj Mohab taasache'q li xwankileb'. Us ta jwal naab'aleb', ab'anan jun ch'ina ch'uuteb' aj chik te'kole'q ut maak'a' chik te'ok wi'”.

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 14:29

“Ex aj Filistea, misaho'k leech'ool naq xtoqe'k li xche' li xrahob'tesink eere; xb'aan naq sa' xyanq xmol junaq k'anti' taayo'laaq jun q'anb'olay, ut chirix a'an jun li xiwajel k'anti' taarupupiq.

Isaías 15:1

A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Jeremías 48:40

Jo'ka'in kixye li Qaawa': “Eb' li xik' neke'ilok re Mohab xe'xkut rib' sa' xb'een jo' junaq t'iw li xhel li xxik' sa' xb'een li xtzak.

Jeremías 49:22

K'ehomaq reetal, li xik' na'ilok re Bosrá yo chi chalk sa' xb'een jo' junaq t'iw li xhel li xxik' sa' xb'een li xtzak. Sa' li kutan a'an q'axal te'xiwaq eb' li kaweb' rib' aj Edom, chanchanaqeb' li ixq li ok re chi alank”.

Ezequiel 25:14

Tin'eeqajunq sa' xb'een Edom chi ruq'eb' laj Israel, lintenamit; eb' a'in te'xrahob'tesi Edom jo' chanru xmay linjosq'il. Ut taanawmanq yalaq b'ar chanru nin'eeqajunk -chan li Qaawa'.

Habacuc 1:8

Li xkawaayeb' jwal kaw neke'aanilak chiruheb' li hix, ut rajawal josq'eb' chiruheb' laj xojb' sa' li chaqich'och'. Numtajenaq xk'ihaleb' laj puub' ut toj najt ajwi' neke'xchap raanileb' chi yalok; chanchaneb' li t'iw li naxkut rib' sa' xb'een li xtzak.

Sofonías 2:9

Jo'kan naq Laa'in, li Nimajwal Yos ut xYos laj Israel, ninye li waatin naq Mohab taakanaaq jo' Sodoom, ut Amón taa'oso'q jo' Gomoor. Junes k'ix ut atz'am taa'elq chiru; nakirirnak chi junajwa taakanaaq. Jo'k'ihaleb' chik lintenamit xe'kole'k, te'xxok chixjunil ut eb' a'an te'eechaninq re li na'ajej a'an”.

Jueces 6:3

Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Sofonías 2:7

Ut jo'k'ihaleb' te'kole'q sa' xteepal Judá a'aneb' chik te'eechaninq re li na'ajej a'an. Aran te'xk'aak'ale li xketomqeb' ut te'hilanq sa' rochocheb' laj Askalón, naq li Qaawa' li qaYos tolxtenq'aheb' laj Judá ut tixsutq'isiheb' wi' chik sa'eb' li xna'ajeb'.