Isaías 11:11 - Q'eqchi Bible

¹¹ Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Li Santil hu

¹¹ Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 11:11 ပူးပေါင်းရင်းမြစ်များ

Miqueas 7:12

Chalk re li xq'ehil naq te'chalq aawik'in naab'aleb' li tenamit chalen Asiria toj Ejiipt, chalen li nima' Nilo toj chire li Éwfrates, chalen chire li palaw jun toj chire li palaw jun chik, chalen li k'iche' jun toj chire li k'iche' jun chik.

Romanos 11:26

Toja' naq taakole'q chixjunil laj Israel, jo' tz'iib'anb'il sa' li Santil Hu: “Aran Sión taachalq chaq laj Kolonel ut a'an taarisi li xmaa'usilal laj Jakob.

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

Oseas 11:11

“Jo'eb' li kok' xul naq te'chalq chaq Ejiipt, jo'eb' li mukuy naq te'elq chaq Asiria. Ut laa'in teb'ink'e chi hilank sa' li rochocheb'”, chan li Qaawa' Yos.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 10:9

Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

Génesis 11:2

Naq ke'elk chaq eb' li tenamit sa' releb'l saq'e, ke'xtaw jun na'ajej helho ru sa' xteepal Senahar, ut aran ke'kanaak.

Génesis 10:22

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

2 Corintios 3:16

Ab'an naq laj Israel tixyot' xch'ool ut tixq'axtesi rib' re li Qaawa', aran taa'isiiq li t'ikr.

Romanos 11:15

Xb'aan naq wi rik'in naq ke'tz'eqtaanaak eb' laj Judiiy, kik'ame'k wi' chik sa' usilal li ruuchich'och' xb'aan li Yos, ma toja' ta chik li rokikeb' sa' li paab'aal? A'an chanchanaq xwaklijikeb' wi' chik chi yo'yo eb' li kamenaq!

Zacarías 9:2

Jo'kan ajwi' Jamat li wank chi nach', ut li tenamit Tiro ut Sidón, li nayeemank naq wank xna'leb'eb':

Zacarías 5:11

Kichaq'ok a'an ut kixye we: “Yookeb' chi xk'amb'al sa' li na'ajej Senahar. Aran toxe'xyiib' jun li rochoch, ut naq akaq xyaalo'k, aran te'xxaqab' sa' xna'aj re xloq'oninkil”.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Oseas 1:11

Toja' naq eb' laj Judá ut eb' laj Israel te'xjunaji rib'eb', te'xxaqab' jun ajwi' aj jolominel reheb' ut yalaq b'ar te'sutq'iiq chaq Jerusalén. Relik chi yaal naq q'axal nimaq li xkutankil Jisrehel!

Daniel 11:18

Moqon chik taaxik chi yalok rik'ineb' li tenamit wankeb' sa' sutha' ut naab'aleb' li taareechani; ab'anan jun xjolomileb' laj puub' taaq'axoq ru ut tixram li xutaanal b'aanuhem a'in, chi ink'a' chik tixkuy xsumenkil.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

Ezequiel 30:14

Tinjuk' Patros, tink'e xxamlel Sohán ut tinraqoq aatin sa' xb'een Tebas.

Ezequiel 27:6

Eb' li che' natiikisimank wi' li jukub' ke'yiib'aak rik'in aakute' kichalk chaq Basán; yaw ke'xtz'ap wi' sa' laab'een, Kitim kik'ame'k chaq li che' a'an, ut uutz'u'ujinb'il rik'in marfil.

Jeremías 49:23

Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Jeremías 44:1

A'an a'in li kiyehe'k re laj Jeremías chirixeb' laj Judiiy li wankeb' chaq Ejiipt, sa'eb' li tenamit re Mikdol, Tafnes, Menfis ut li wankatqeb' chaq sa' xteepal Patros:

Jeremías 31:10

“Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Jeremías 25:25

chixjunileb' li awab'ej re Simrí, eb' li awab'ej re Elam ut chixjunileb' laj Media;

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 42:12

Che'xnimaaq xloq'al li Qaawa', che'xpuktesiiq resil li xwankil toj sa'atqeb' li tenamit li wankatqeb' chire li palaw.

Isaías 42:10

B'ichahomaq junaq ak' b'ich cho'q re li Qaawa'; k'ehomaq xloq'al laa'ex li wankatqex chaq sa' xmaril li ruuchich'och', laa'ex li nekexxik chiru li palaw jo'wi' chixjunil li wank chisa', eb' li na'ajej sutsuukeb' chi ha' ut eb' li xpoyanamil.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Salmos 68:22

Ab'an li Yos tixputz'i xjolomeb' li xik' neke'ilok re, li xjolomeb' li sa wankeb' sa' xmaa'usilaleb'.

Génesis 14:1

Sa'eb' li kutan a'an laj Amrafel, awab'ej re Senahar, laj Aryok, awab'ej re Elasar, laj Kedorlahomer, awab'ej re Elam, ut laj Tidal, awab'ej re Koyim,

Ester 10:1

Laj Asuero li awab'ej kixtitz' xtoj chixjunileb' li tenamit li wankeb' rub'el xwankil, jo' chi ch'och'el ut chiru palaw.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Isaías 19:21

Nawnooq ru li Qaawa' Yos xb'aaneb' laj Ejiipt ut eb' a'an te'xnaw ru li Qaawa' sa' li kutan a'an. Te'xloq'oni ru ut te'mayejaq chiru; ut wi wank k'aru te'xyeechi'i re li Yos, te'xb'aanu ajwi'.

Isaías 19:22

Li Qaawa' tixrahob'tesiheb' laj Ejiipt, ab'an tixk'irtasiheb' wi' chik. Eb' a'an te'xyot' xch'ool ut te'xjal xk'a'uxl chiru li Yos, ut A'an taaruxtaana ruheb' ut tixk'irtasiheb'.

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Ezequiel 29:14

Tinxokeb' chaq laj Ejiipt li wankeb' chaq chi preexil, ut tinsutq'isiheb' aran Patros b'arwi' ke'wank, ut aran te'awab'ejinq chi maak'a'aq chik xwankileb'.

Ezequiel 32:24

“Arin ajwi' wank Elam, rochb'een chixjunileb' laj puub', chi xsutam li xmuqleb'aal. Chixjunileb' a'an xe'kamk chaq sa' li raaxiik', chixjunileb' xe'kamsiik chaq chi ch'iich' ut xe'muqe'k sa' xna'ajeb' li kamenaq, chi ink'a' xe'xpaab' li Yos. Xe'roksi xxiweb' li yo'yookeb', ab'an anaqwan wankeb' chi maak'a'eb' xloq'al, sa' xyanqeb' li xe'q'ajk xe'sutq'iik.

Ezequiel 38:8

«Akaq xnume'k k'iila kutan, taak'ehe'q aataqlankil. Moqon chirix naab'al chihab', tattaqlaaq chi yalok rik'in jun tenamit li kiwank sa' raaxiik', ab'an sa chik wankeb' anaqwan; junxil ke'cha'cha'iik sa' xyanqeb' li k'iila tenamit ut ke'juk'iik chi junwaakaj, ab'an ch'utch'uukeb' wi' chik anaqwan sa'atqeb' li xtzuulul Israel.

Daniel 1:2

Li Qaawa' kixq'axtesi laj Johakín, li awab'ej re Judá, sa' ruq' laj Nabukodonosor re naq taak'ame'q Senahar. Jo'kan ajwi' ki'uxmank reheb' li loq'laj sek' li neke'k'anjelak sa' rochoch li Yos: ke'k'ame'k ut ke'k'eemank sa' xyanq li xb'ihomal li rochoch li xyoseb' laj Babilonia.

Génesis 2:13

Li xkab' nima' Kijón naxk'ab'a'in: a'an naxsut chixjunil li tenamit Kus xk'ab'a'.

Deuteronomio 9:29

Ab'an eb' a'in aatenamiteb' ut aaweechanihom. Laa'at kat-isink chaq reheb' rik'in xnimal aawankil ut xkawilal laawuq'», chankin re li Yos.

2 Reyes 17:24

Li awab'ej re Asiria kixk'ameb' chaq laj Babilonia, laj Kutá, aj Abá, laj Jamat ut eb' aj Separbáhin, ut kixk'eheb' xna'aj sa' li tenamit Samaria, ke'wank wi' eb' laj Israel. Jo'kan naq ke'reechani Samaria ut ke'kanaak sa' li xna'ajeb' laj Israel.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Isaías 22:6

Eb' laj Elam xe'xkawresi xna'aj li xsimajeb', eb' laj Aram xkoheb' chirix kawaay ut eb' laj Kir xe'risi chaq li xkolb'al rib'eb'.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Zacarías 8:7

“Jo'ka'in naxye li Nimajwal Yos: Tinkoleb' lintenamit naq twisiheb' chaq sa' xjayal releb'l saq'e ut sa' xjayal rokeb'l saq'e;