Isaías 11:1 - Q'eqchi Bible

¹ Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Li Santil hu

¹ Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

Isaías 11:1 ပူးပေါင်းရင်းမြစ်များ

Jeremías 23:5

“Taawulaq xkutankil naq tinxaqab' junaq ralal laj David, q'axal tiikaq xch'ool ut wanq xna'leb' chi awab'ejink; a'an tixk'anjela ru li tiikilal ut li k'ulub'ej sa' li na'ajej a'in.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Apocalipsis 5:5

Ab'an jun reheb' li cheekel winq kiyehok we: “Matyaab'ak. Chawil, li Kaqkoj re li xteepal laj Judá, a' li xTuxb' laj David, xq'axok u: a'an taa'isinq reheb' li wuqub' chi tz'apleb' ut tixte li hu”.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Jeremías 33:15

“Chiruheb' li kutan a'an, tinxaqab' jun li ralal laj David, q'axal tiikaq xch'ool, li tixk'anjela ru li tiikilal ut li k'ulub'ej sa' li na'ajej a'in.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

1 Samuel 17:58

Toja' naq laj Saúl kixpatz' re: “Ani aj alalat, a wa'?”, chan re. Kichaq'ok laj David: “Ralalin laj Jesé aj Belén, aj k'anjel chawu”, chan.

Li xHu LIX RUT 4:17

Naq ke'ril a'an, chixjunileb' li rechkab'al ke'xye: —Xwank jun xk'uula'al lix Nohemí. Ut aj Obed ke'xk'e cho'q xk'ab'a'. Laj Obed a'an xyuwa' chaq laj Jesé, ut laj Jesé xyuwa' chaq laj David.

San Mateo 1:1

Li Jesus, li Kriist, a'an ralal laj David ut ralal laj Abrahán. A'aneb' a'in li xxe' xtoonal.

Hebreos 7:14

Ch'olch'o naq li Qaawa' yo'lajenaq chaq rik'in laj Judá; ut chirix li teepal a'in maak'a' kixye laj Moisés naq ki'aatinak chirix xk'anjeleb' laj tij.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Ezequiel 37:25

Te'wanq sa' li ch'och' ink'ehom re laj Jakob, laj k'anjel chiwu, b'arwi' ke'wank eb' leemama' leerixa'an. Aran te'wanq eb' a'an, eb' li ralal xk'ajol ut eb' li ri xmameb' chi junelik; ut a' laj David, laj k'anjel chiwu, taajolominq reheb' junq'e junq'e kutan.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

1 Crónicas 2:12

Laj Bohos a'an chaq xyuwa' laj Obed, ut laj Obeb a'an chaq xyuwa' laj Jesé.

Salmos 145:11

Che'xpuktesi resil li xloq'al laa'awab'ejihom, ut che'seeraq'iq chirix laanimal laawankil,

Ezequiel 17:22

«Laa'in, li Qaawa', ninye chi jo'ka'in: Laa'in ajwi' tinchap xsa' ru'uj jun li yaw, tinch'ot ru'uj jun li ruq' ut laa'in ajwi' tin'awoq re sa' jun li tzuul jwal najt xteram,