Isaías 10:4 - Q'eqchi Bible

⁴ Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Li Santil hu

⁴ Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 10:4 ပူးပေါင်းရင်းမြစ်များ

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Jeremías 37:10

Us ta texnumtaaq sa' xb'eeneb' laj Kaldeha li yookeb' chi yalok eerik'in, ut yal wiib' oxib'eb' aj chik te'kole'q chi tiq'ilkaqeb', ab'an eb' a'an chixjunqaleb' raj te'wakliiq wi' chik sa' li xmuheb'aaleb' ut te'xk'e xxamlel li tenamit a'in”.

Isaías 9:12

eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Isaías 66:16

Relik chi yaal naq li Qaawa' taaraqoq aatin rik'in xam; taaraqoq aatin rik'in q'esnal ch'iich' sa' xb'eeneb' chixjunil li poyanam, ut naab'aleb' li te'sache'q ru xb'aan li Qaawa'.

Isaías 34:3

Eb' li kamenaq te'jilixinq sa' b'e, k'ajo'aq xchuhil eb' li kamenaqeb'; chanchanaq roq nima' li kik' sa'atqeb' li tzuul!

Isaías 24:22

Tixch'utub', tixtuub' chixjunileb' ut tixtz'apeb' sa' tz'alam chiru k'iila chihab', ut moqon chik te'k'ehe'q sa' tojb'amaak.

Isaías 22:2

laa'ex li tenamit q'axal sa sa' eech'ool junxil ut junes choqink ut ninq'ehik nekeb'aanu? Eb' li kamenaq sa' eeyanq ink'a' xe'kamsiik chi q'esnal ch'iich', chi moko xe'kamk sa' li yalok.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Jeremías 4:8

Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Isaías 9:11

Li Qaawa' xtaqla chaq laj Rasín sa' xb'eeneb' laj Israel ut xchiq' chaq xjosq'ileb' li xik' neke'ilok reheb':

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.

Isaías 9:20

Li junjunq nawa'ak sa' junpak'al ut toj yo ajwi' xtz'okajik, nawa'ak sa' junpak'al chik, ab'an ink'a' nak'ojlaak xch'ool; li junjunq naxtiw li xtib'el li xkomon.

Jeremías 15:2

Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».