Isaías 10:32 - Q'eqchi Bible

³² Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Li Santil hu

³² Saꞌ li cutan aꞌan eb li xicꞌ nequeꞌiloc e̱re teꞌxyi̱b lix muheba̱leb aran Nob. Ut teꞌxic chi pletic saꞌ li tzu̱l Sión li cuan Jerusalén.

Isaías 10:32 ပူးပေါင်းရင်းမြစ်များ

1 Samuel 21:1

Laj David kiwulak Nob, b'arwi' wank laj Ajimélek laj tij. A'in kisachk xch'ool chi rilb'al laj David ut kixpatz' re: “K'a'ut naq aajunes xatchalk, chi maajun na'ochb'eenink aawe?”, chan.

Zacarías 2:9

Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.

Isaías 37:22

A'an a'in li aatin kixye li Qaawa' chirix li awab'ej re Asiria: “Nakate'xtz'eqtaana, nakate'xse'e eb' laj Sión jo' naxb'aanu junaq tuq'ixq; neke'xb'anb'ani li xjolomeb' li rixqilaleb' aj Jerusalén.

Isaías 19:16

Sa' li kutan a'an eb' laj Ejiipt chanchanaqeb' chik li ixq; siksootqeb' chiru li Nimajwal Yos naq A'an taaraj xtaqlankil chaq li rahilal sa' xb'eeneb'.

1 Samuel 22:19

Sa' li tenamit Nob, xtenamiteb' laj tij, laj Saúl kixkamsi chixjunileb' chi ch'iich': winq, ixq, kok'al ut k'uula'al li toj neke'tu'uk, b'ooyx, b'uur ut karneer.

Jeremías 6:23

Wankeb' chaq xsimaj ut xq'esnal ch'iich' sa' ruq'eb'; jwal anumeb' chi yalok, ut maajun neke'ril xtoq'ob'aal ru. Chanchan xyaab' li palaw naq neke'xjap chaq reheb', ut junes chirix kawaay neke'b'eek. Junchalikaqeb' chi yalok eerik'in, ex aj Jerusalén”.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Isaías 11:15

Li Qaawa' tixte xb'eheb' sa' li Kaqi Palaw ut tixk'ut li xwankilal sa' xb'een li nima' Éwfrates: tixtaqla jun tiqwal iq' li tixjach li nima' sa' wuqub' chi roqha', ut aran te'nume'q li tenamit chi chaqi ru xb'eheb'.

Isaías 10:24

Jo'ka'in xyehom li Nimajwal Yos: “Mexxiwak, ex intenamit li wankex Sión. Meexiwa ruheb' laj Asiria, us ta tate'xrahob'tesi rik'in che' ut tz'uum jo' ke'xb'aanu eb' laj Ejiipt.

Isaías 2:2

Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Isaías 1:8

Sión xkanaak xjunes jo' li kuukil ochoch sa' li awimq, jo' junaq tenamit sutsu xb'aaneb' li xik' neke'ilok re.

Nehemías 11:32

Anatot, Nob, Ananías

1 Samuel 22:9

Toja' naq laj Dohek aj Edom, li wank sa' xyanqeb' laj k'anjel chiru laj Saúl, kixsume: “Laa'in xwil li ralal laj Jesé chi wulak Nob, wan wi' laj Ajimélek, ralal laj Ajitub.

Isaías 10:31

Eb' laj Madmená ke'elelik ut li wankeb' Kebín koxe'xmuq rib'eb'.

Isaías 16:1

Ex aj Mohab li wankex sa' li chaqich'och' re Selá, taqlahomaq eekarneer re li awab'ej li wan chaq Sión.

1 Samuel 21:2

Laj David kixsume laj Ajimélek laj tij: “Li awab'ej xk'e chaq jun intaqlankil ut xye ajwi' naq maa'ani chinawoq re li k'aru chaq'rab'inb'ilin ut taqlanb'ilin wi'. Ut eb' laj k'anjel chiwu xinb'oqeb' sa' jun li na'ajej.

2 Crónicas 32:1

Chirix chik naq ak xk'ulmank chixjunil a'in ut xk'utunk naq laj Esekías tiik xch'ool chiru li Yos, kichalk laj Senakerib, awab'ej re Asiria, koxmin rib' sa' xteepal Judá ut kixsut rixeb' li tenamit wankeb' xsuttz'ak re raj reechaninkileb'.

2 Crónicas 32:2

Naq laj Esekías kixk'e reetal naq kichalk laj Senakerib ut taaraj yalok rik'ineb' laj Jerusalén,

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Miqueas 1:9

Xb'aan naq li xrahilal Samaria maak'a' xb'anol: xwulak toj Judá, ut xo'xtaw ajwi' li rokeb'aal Jerusalén b'arwi' wankeb' lintenamit.