Isaías 10:3 - Q'eqchi Bible

³ K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Li Santil hu

³ Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Isaías 10:3 ပူးပေါင်းရင်းမြစ်များ

San Lucas 19:44

tate'xmuch'i chiru ch'och' laa'at ut eb' laawalal aak'ajol li wanqeb' aawik'in, ut ink'a' te'xkanab' pek chi xb'een pek, xb'aan naq ink'a' xak'e reetal li honal xat-ula'aniik wi'”.

Oseas 9:7

Ak xwulak xkutankil li raaxiik'; xwulak chik xq'ehil li xtojb'al rix leemaak! Eb' laj Israel tento te'xnaw a'an. Laa'ex nekeye: “Maak'a' xna'leb' li propeet. Li xtaql li Yos xkaano'k ru”, chankex. Ab'an nekeye chi jo'kan, xb'aan naq numtajenaq leemaa'usilal ut q'axal xik' nikineril.

Li xHu LAJ JOB 31:14

Wi ta ink'a' jo'kan xinb'aanu, k'a' raj ru tinsume wi' li Yos naq taachalq chi xtz'ilb'al wix?

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Isaías 5:26

Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Proverbios 11:4

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Isaías 39:3

Toja' naq li propeet Isaías kiwulak rik'in laj Esekías, li awab'ej, ut kixpatz' re: “K'aru xe'xye aawe eb' li winq a'an ut b'ar xe'chalk chaq?”, chan. Kichaq'ok laj Esekías ut kixye: “Xe'chalk chaq sa' jun najtil tenamit, Babilonia xk'ab'a'”, chan.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Isaías 30:16

ut xeye chi jo'kan: “Ink'a', jwal us too'eleliq chirix kawaay”. Us b'i', elelinqex! Xeye ajwi': “Too'eleliq sa' b'eleb'aal ch'iich' li kaw neke'xik”. Us a'an, jo'kanaqeb' ajwi' li te'aanilasinq eere!

Isaías 5:14

Jo'kan naq li xna'ajeb' li kamenaq yo chi nimank: kama' junaq josq' aj xul, teeto li re chi xnuq'b'aleb' li poyanam jo'wi' li xjolomileb', a'eb' li sa neke'ninq'ehik.

2 Reyes 7:15

Koheb' ut ke'xtaaqe li xnumseb' laj Aram toj chire li nima' Jordán. Sa' chixjunil li b'e nasoq'oxink eb' li aq'ej ut li k'a'aq re ru ke'xtz'eq eb' laj Aram sa' raanileb'. Chirix chik a'an eb' li xtaql li awab'ej ke'sutq'iik chaq ut kole'xseeraq'i re chixjunil.

Génesis 31:1

Laj Jakob kirab'i resil naq eb' li ralal laj Labán yookeb' chi xyeeb'al: “Laj Jakob x'eechanink re chixjunil li k'aru re li qayuwa' ut rik'inatq a'an xnumtaak li xb'ihomal”.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

Isaías 17:4

“Sa' li kutan a'an taasache'q xloq'al laj Jakob ut maak'a'aq chik li xb'ihomal.

Isaías 26:14

Eb' li kamenaq ink'a' chik te'yo'laaq, eb' li mu ink'a' chik te'wakliiq chaq, xb'aan naq xatraqok aatin sa' xb'eeneb' ut xasacheb' ru, ut maajun chik taapatz'oq li xk'ab'a'eb'.

Isaías 30:5

chixjunileb' te'b'alaq'iiq xb'aan li tenamit a'an li maak'a' na'ok wi'; ink'a' te'tenq'aaq xb'aaneb' chi moko us te'elq, ka'aj b'an wi' li xutaan ut li rahilal te'xk'ul.

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

Jeremías 4:30

Ut laa'at li xatk'uluk rahilal, k'aru taab'aanu? Us ta taatiqib' aawib' rik'in chaab'il t'ikr, us ta taak'e xsahob' aawu rik'in chaab'il oor ut taab'onatq eb' li rixeb' laawu, maak'a' chik aj e naq taach'ina'usi aawib': xate'xtz'eqtaana li neke'rahink aawu, a' chik laakamik neke'xsik'.

Jeremías 9:9

Ma ink'a' tab'i' tink'eheb' chi xtojb'al rix li maak a'an? Ma ink'a' tab'i' tink'ajtesi ruheb' li tenamit jo'ka'aneb'? -chan li Qaawa'-.

Jeremías 22:7

Tintaqlaheb' chaq jun ch'uuteb' aj sachonel aawik'in, wanqeb' chaq xmaal sa' ruq'eb' re aasachb'al. Te'xt'ani chixjunileb' li chaab'il yaw ut te'xrumi sa' xam re te'k'atq.

Oseas 9:5

K'aru teeyeechi'i laa'ex sa' li ninq'e, naq taawulaq xq'ehil xloq'oninkil ru li Qaawa'?

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Isaías 28:20

Kama'aq li wark chiru junaq ch'aat kach'in roq ut jun ch'ina isb' li ink'a' textz'ap chi us.

Amós 5:19

Chiru li kutan a'an chanchanaqex li winq na'elelik chiru li kaqkoj ut nokoxch'ik rib' sa' re jalan chik josq' aj xul; malaj naq junaq yo chi ok sa' rochoch, naxk'e li ruq' chiru li tz'ak, ut natiwe'k chik xb'aan li k'anti'.