Isaías 10:22 - Q'eqchi Bible

²² Us ta laatenamit, a Israel, q'axal naab'aleb' jo' xk'ihaleb' li xsamahi'ul li palaw, ab'an yal jun ch'ina ch'uut aj chik te'sutq'iiq chaq. Ak xaqxo xkutankil li xsachb'aleb' re naq wanq li tiikilal chi junwaakaj.

Li Santil hu

²² Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

Isaías 10:22 ပူးပေါင်းရင်းမြစ်များ

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Apocalipsis 20:8

ut taa'elq chi xb'alaq'inkileb' li tenamit wankatqeb' sa' xkaaxukuutil li ruuchich'och', jo'wi' chi xb'alaq'inkil laj Gog ut laj Magog, re xch'utub'ankileb' chi yalok: li xk'ihaleb' a'an kama'aq li samahib' chire li palaw.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Isaías 48:19

K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

Isaías 65:8

Li Qaawa' kixye chi jo'ka'in: “Naq natawmank jun chiilaq chi uub' k'ajo' xya'al, naxye li winq: «Maab'atz'unle li uub' a'in xb'aan naq a'an jun rosob'tesihom li Yos», chan. Jo'kan ajwi' tinb'aanu laa'in sa' xk'ab'a'eb' laj k'anjel chiwu: ink'a' tinsach chixjunileb' li tenamit.

2 Reyes 19:31

Xb'aan naq sa' li tenamit Jerusalén wanqeb' te'kole'q; toj wanqeb' li te'kanaaq sa' li tzuul Sión. Li xnimal xrahom li Qaawa' taab'aanunq re a'an.

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Isaías 59:20

Ab'an sa' li tzuul Sión taachalq jun aj Kolonel cho'q reheb' li ralal xk'ajoleb' laj Jakob li te'xyot' xch'ool ut te'xjal xk'a'uxl. Li Qaawa' xyehok re a'in.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Jeremías 44:28

Ka'ajeb' wi' wiib' oxib' li te'kole'q sa' li raaxiik'; te'elq Ejiipt ut te'sutq'iiq wi' chik Judá. Toja' naq chixjunileb' laj Judá li ke'chalk chi na'ajunk Ejiipt, te'xnaw ani aj aatin xtz'aqlok ru, ma a' li waatin laa'in, malaj li raatineb' a'an.