Isaías 10:21 - Q'eqchi Bible

²¹ Yal ajlanb'ilaqeb' aj chik li ralal xk'ajol laj Jakob li te'sutq'iiq rik'in li Nimajwal Yos.

Li Santil hu

²¹ Eb laj Israel, li ralal xcꞌajol laj Jacob, li incꞌaꞌ teꞌsachekꞌ ruheb, teꞌsukꞌi̱k riqꞌuin li nimajcual Dios.

Isaías 10:21 ပူးပေါင်းရင်းမြစ်များ

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

Oseas 7:16

Xkoho xch'ooleb' chirixeb' li yal k'oxlanb'il yos, chanchaneb' li yokosil xna' simaj li maak'a' aj e. K'ajo' naq neke'xye laj k'amol xb'eheb': jo'kan naq te'kamsiiq chi q'esnal ch'iich' ut se'leb'aal te'kanaaq wi' xb'aaneb' laj Ejiipt.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Isaías 19:22

Li Qaawa' tixrahob'tesiheb' laj Ejiipt, ab'an tixk'irtasiheb' wi' chik. Eb' a'an te'xyot' xch'ool ut te'xjal xk'a'uxl chiru li Yos, ut A'an taaruxtaana ruheb' ut tixk'irtasiheb'.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Isaías 7:3

Toja' naq li Qaawa' kixye re laj Isaías: “Ayu chi xk'ulb'al laj Ajás, aawochb'een laj Sehar-Yasub laawalal. Ayu toj sa' xmaril li roqha' wan wi' li tamb'aha' li wank chi tzuul, sa' xB'e laj Puch'unel,

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Esdras 1:4

Ut yalaq b'ar wanqeb' aj Israel, eb' li rechkab'al che'tenq'anq taxaq reheb' rik'in plaat ut oor, sahil eechej ut ketomq, jo' ajwi' rik'in chixjunil li taa'alaaq sa' xch'ooleb' xk'eeb'al re li rochoch li Yos li wank Jerusalén”.

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Isaías 59:20

Ab'an sa' li tzuul Sión taachalq jun aj Kolonel cho'q reheb' li ralal xk'ajoleb' laj Jakob li te'xyot' xch'ool ut te'xjal xk'a'uxl. Li Qaawa' xyehok re a'in.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.