Isaías 10:20 - Q'eqchi Bible

²⁰ Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

Li Santil hu

²⁰ Saꞌ eb li cutan aꞌan eb laj Israel, li ralal xcꞌajol laj Jacob, li incꞌaꞌ queꞌsach ruheb, incꞌaꞌ chic teꞌxcꞌojob xchꞌo̱l riqꞌuineb li cui̱nk li queꞌsachoc ruheb. Teꞌyoꞌoni̱nk ban riqꞌuin li Ka̱cuaꞌ, li Dios Santo, lix Dioseb laj Israel.

Isaías 10:20 ပူးပေါင်းရင်းမြစ်များ

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

2 Crónicas 28:20

Laj Tiklat-Piléser, awab'ej re Asiria, kichalk rik'in laj Ajás, ab'anan maawa' re xtenq'ankil, re b'an xrahob'tesinkil.

2 Reyes 16:7

Toja' naq laj Ajás kixtaqla xyeeb'al resil re laj Tiklat-Piléser, awab'ej re Asiria: “Laa'in aj k'anjel chawu ut chanchanin aawalal. Jo'kan naq kim ut cholinaakol chiru li awab'ej re Aram ut chiru li awab'ej re Israel, li xe'chalk chi yalok wik'in”.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Isaías 37:4

Ma ink'a' tawi' xrab'i li Qaawa' laaYos li xyehom li xnimal ru aj k'anjel li xtaqlaak chaq xb'aan laj eechal re, a' li awab'ej re Asiria, re xhob'b'al li yo'yookil Yos? Jwal us raj naq li Qaawa' laaYos taarahob'tesinq re xb'aaneb' li raatin xye. Laa'at tijon chiru li Qaawa' chirixeb' laj Israel li toj yo'yookeb'!»”.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Esdras 9:14

ma truuq tab'i' too'ok wi' chik chi xq'etb'al laachaq'rab' ut xlaq'ab'ankil qib' rik'ineb' li poyanam a'in li neke'xb'aanu li maa'usilal? Ma ink'a' raj tchalq laajosq'il sa' qab'een ut toohaasach chi maajun junaq taakole'q?

2 Reyes 19:31

Xb'aan naq sa' li tenamit Jerusalén wanqeb' te'kole'q; toj wanqeb' li te'kanaaq sa' li tzuul Sión. Li xnimal xrahom li Qaawa' taab'aanunq re a'an.

2 Crónicas 14:11

ut jo'ka'in kixye naq kitijok chiru li Qaawa' li xYos: “At Qaawa', ka'ajwi' laa'at nakatenq'aheb' li kaweb' rib' ut li maak'a'eb' xmetz'ew! Tenq'aho, at Qaawa', at qaYos, xb'aan naq aawik'in kaw qach'ool ut sa' aak'ab'a' xook'ulunk chi yalok rik'ineb' li poyanam a'in li k'ajo' xk'ihaleb'! At Qaawa', laa'at li qaYos! Maajun taxaq winq chinumtaaq chawu laa'at!”.

Isaías 11:16

Chi jo'kan taawanq jun nimb'e cho'q reheb' xkomon li tenamit li te'sutq'iiq chaq Asiria, jo' li ke'xtaw eb' laj Israel naq ke'elk chaq Ejiipt.

Isaías 46:3

“Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Jeremías 44:14

Maajun reheb' li xch'inach'uuteb' laj Judá li xkoheb' chi wank sa' xteepal Ejiipt, te'kole'q. Us ta raj te'sutq'iiq chaq wi' chik Judá, ink'a' te'ruuq sutq'iik; yal wiib' oxib'eb' aj chik te'eleliq ut te'sutq'iiq chaq»”.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

2 Crónicas 28:16

Sa'eb' li kutan a'an li awab'ej Ajás kixtaqlaheb' aj yehol esil rik'ineb' li awab'ej re Asiria, re taatenq'aaq xb'aaneb':

Jeremías 3:23

Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.