Isaías 10:17 - Q'eqchi Bible

¹⁷ Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Li Santil hu

¹⁷ Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Isaías 10:17 ပူးပေါင်းရင်းမြစ်များ

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Jeremías 7:20

Jo'kan naq li Qaawa' xye chi jo'ka'in: Twisi linjosq'il sa' xb'een li na'ajej a'in, sa' xb'eeneb' li xpoyanamil ut eb' li xul, sa' xb'eeneb' li che' ut eb' li awimq. Ut linjosq'il chanchanaq li choqlenk li ink'a' naru xchupb'al”, chan li Qaawa'.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Números 16:35

Toja' naq jun li xam nachalk rik'in li Qaawa' kixsach ruheb' li lajeeb' roxlajuk'aal (250) chi winq li ke'yeechi'ink pom.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Hebreos 12:29

xb'aan naq li qaYos a'an jo' jun li xam k'ajo' nasachok.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Isaías 60:19

“Moko aajel ta chik ru li saq'e cho'q aasaqenk chiru li kutan chi moko li xsaqenkil li po chiru li q'oqyink. Laa'in chik laasaqenk chi junelik; laa'in li Qaawa' laaYos, laa'in chik li xnimal aaloq'al.

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Salmos 97:3

K'amol b'e naxik li xam chiru li Qaawa', jun k'atikeb' chixjunileb' li xik' neke'ilok re.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Salmos 50:3

We' chaq li qaYos, ut ink'a' taakanaaq chi ch'anch'o: k'amol b'e chaq chiru jun li xam k'ajo' xtiqwal, sutsu li Yos xb'aan jun xiwajel kaqsut-iq'.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Salmos 21:9

Laawankil toxtaweb' jo'k'ihal li xik' neke'ilok aawe ut laaseeb'al toxchapeb' li neke'tz'eqtaanank aawe.

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 27:7

Li Yos ink'a' xrahob'tesiheb' laj Israel jo' kixb'aanu reheb' li ke'tawasink reheb'; chi moko xsacheb' ru jo' kixkamsiheb' li ke'kamsink reheb' a'an.

Isaías 30:33

Xb'aan naq li na'ajej Tófet ak kawresinb'il chaq najter cho'q re Asiria jo'wi' cho'q re li x'awab'ej. Li na'ajej a'an q'axal nim ru ut jwal cham, k'ajo' li xsi'ul. Naq taamusiq'aq li Yos, tixloch xxamlel; chanchan roq nima' nujenaq chi asuupr naq taachalq li xjosq'il li Qaawa' sa' xb'een.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Isaías 33:12

Cha aj chik te'kanaaq eb' li tenamit, kama'aqeb' li k'ix naq nayok'mank ut na'ok xxamlel.

Isaías 47:14

K'e reetal, kama'eb' li k'im naq te'oso'q chixjunileb'; li xam taasachoq reheb', ut ink'a' te'ruhanq chi xkolb'aleb' rib' chiru xtiqwal li xam. Xb'aan naq a'an maawa' xam re k'uub'ank tzekemq chi moko ru xam naruuk wi' q'ixink.

Zacarías 12:6

“Sa' li kutan a'an li xjolomileb' laj Judá jo'kaqeb' li xam sa' li si' malaj sa' xyanqeb' li junq joob' chi triiw: te'xsach chixjunileb' li tenamit chi xsutameb', ut eb' laj Jerusalén wanqeb' wi' chik sa' li xna'ajeb'.

Deuteronomio 4:24

xb'aan naq li Qaawa' leeYos a'an jun xam nasachok ut jun Yos aj sowen.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.