Isaías 10:16 - Q'eqchi Bible

¹⁶ Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Li Santil hu

¹⁶ Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Isaías 10:16 ပူးပေါင်းရင်းမြစ်များ

2 Crónicas 32:21

Ut li Qaawa' kixtaqla chaq jun x'ánjel li kixsach ruheb' chixjunileb' laj puub' jwal kaweb' rib' chi yalok, eb' li xninqaleb' ru winq ut eb' li xjolomileb' laj puub' re li awab'ej re Asiria, ut a'in kisutq'iik sa' xtenamit chi k'ajo' xxutaan ut naq kox'okaq sa' rochoch li xyos, aran ajwi' kikamsiik chi ch'iich' xb'aaneb' li ralal.

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

Salmos 106:15

Ut li Yos kixk'e reheb' li k'aru ke'xtz'aama, ut kixtaqla ajwi' jun xnimal rahilal sa' xb'eeneb'.

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Isaías 37:29

Laa'at xatjosq'o'k wik'in ut xwil naq xatq'etq'eto'k chiwu; jo'kan naq tinram laab'e, tintz'ap laawe ut tatinsutq'isi sa' laab'e b'arwi' xatchalk chaq”. Chirix chik a'an laj Isaías kixye re laj Esekías:

Isaías 17:4

“Sa' li kutan a'an taasache'q xloq'al laj Jakob ut maak'a'aq chik li xb'ihomal.

Isaías 10:18

Tixsacheb' xchaq'alil ru li k'iche', ut li chaab'il ch'och' taa'oso'q chi junwaakaj; taakanaaq jo' junaq yaj li yo chi kamk timil timil.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Isaías 5:17

Te'juk'e'q li tenamit ut aran, sa' li xpo'lemeb', te'ichajib'q eb' li karneer ut eb' li chib'aat.

Isaías 8:7

Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.

Salmos 78:31

naq k'ajo' kichalk xjosq'il li Yos sa' xb'eeneb': kixkamsiheb' li q'axal kaweb' rib' ut kixsacheb' ru li xsaajilaleb' laj Israel!

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Jeremías 21:14

Laa'in tinraqoq aatin sa' eeb'een jo' chanru leeyehom ut leeb'aanuhom; tinchoqle leek'iche' ut taak'atq chixjunil li wank chi xsutam. Laa'in, li Qaawa', xinyehok re a'in»”.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Nahum 1:12

Jo'kan naq li Qaawa' xye chi jo'ka'in: “Us ta jwal kaweb' rib' laj Asiria ut k'ajo' xk'ihaleb', ab'an te'oso'q ut te'sachq chi junajwa. Laa'in k'ajo' laarahob'tesinkil xinb'aanu, ab'an ink'a' chik tatinrahob'tesi.

Sofonías 2:13

Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Zacarías 7:4

Toja' naq li Nimajwal Yos kinraatina wi' chik ut kixye we: