Isaías 10:12 - Q'eqchi Bible

¹² Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Li Santil hu

¹² Abanan nak li Ka̱cuaꞌ acak xrakeꞌ chi rakoc a̱tin saꞌ xbe̱neb li cuanqueb aran Jerusalén ut saꞌ li tzu̱l Sión, tojoꞌnak tixqꞌue chixtojbal xma̱c lix reyeb laj Asiria xban nak naxkꞌetkꞌeti rib ut naxnimobresi rib.

Isaías 10:12 ပူးပေါင်းရင်းမြစ်များ

2 Reyes 19:31

Xb'aan naq sa' li tenamit Jerusalén wanqeb' te'kole'q; toj wanqeb' li te'kanaaq sa' li tzuul Sión. Li xnimal xrahom li Qaawa' taab'aanunq re a'an.

Jeremías 50:18

Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'e chi xtojb'al xmaak li awab'ej re Babilonia jo' ajwi' li xtenamit, jo' xinb'aanu re li awab'ej re Asiria.

Isaías 65:7

chirix leemaa'usilal laa'ex jo'wi' chirix li xmaakeb' leena' leeyuwa'. Eb' a'an xe'k'atok k'ajpom sa'eb' li tzuul ut xine'xmajewa sa' xb'eeneb' li b'ool; jo'kan naq tink'e li xq'ajkamunkileb' chi tz'aqal re ru”, chan li Qaawa'.

1 Pedro 4:17

Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos?

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

San Mateo 12:33

“Wi chaab'il li che', chaab'il ajwi' li ru tixk'e; ut wi ink'a' us li che', ink'a' ajwi' us li ru tixk'e: xb'aan naq rik'in li naruuchin, li che' nanawe'k ru.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Ezequiel 31:14

Maajun chik che' taak'iiq chi najt xteram ut taawulaq toj sa'eb' li choql; us ta taak'iiq chire ha' malaj t'aqresinb'ilaq chi us, maajun chik tixnima rib' xb'aan li xteram. Xb'aan naq chixjunileb' teneb'anb'il li oso'k sa' xb'eeneb', te'xik sa' xchamal li jul, jo' naq chixjunileb' li poyanam neke'q'ajk neke'sutq'iik.

Ezequiel 31:10

«Jo'ka'in xye li Qaawa': Li che' a'an xk'iik chi jwal najt xteram ut li ru'uj xwulak toj sa' li choql; xq'etq'eto'k li xch'ool xb'aan li xnimal xteram.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Isaías 9:9

Chixjunileb' li poyanam xe'nawok re, li wankeb' sa' xteepal Efraín ut Samaria, a'eb' li neke'xq'etq'eti ut neke'xnima rib' chi xyeeb'al:

Isaías 5:15

Li junjunq taakub'siiq xwankil chi junajwa ut eb' li q'etq'et te'xkub'si rib'eb'.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Proverbios 30:13

Wankeb' neke'xnimob'resi rib' ut yal sa' rix ruheb' neke'ril chixjunileb'.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Salmos 21:10

Sa' xkutankil laak'ulunik taak'eheb' sa' xam li q'axal nak'atok. Li Qaawa' tixsacheb' ru sa' xjosq'il, ut li xam taalowoq reheb' chi junajwa.

Salmos 18:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

Salmos 76:5

K'ajo' xlemtz'unkil laaloq'al, at Qaawa', q'axal nim laawankil chiruheb' li najteril tzuul.

Isaías 24:21

Sa' li kutan a'an li Qaawa' taaraqoq aatin sa' xb'eeneb' li wankeb' xwankil taqe'q sa' li choxa, ut arin taq'a, sa' xb'eeneb' li wankeb' xwankil sa' ruuchich'och'.

Isaías 27:7

Li Yos ink'a' xrahob'tesiheb' laj Israel jo' kixb'aanu reheb' li ke'tawasink reheb'; chi moko xsacheb' ru jo' kixkamsiheb' li ke'kamsink reheb' a'an.

Isaías 29:14

Jo'kan naq toj yooqin xb'aanunkil xninqal eetalil ut sachb'ach'oolej rik'in li tenamit a'in. Taapo'q li xna'leb'eb' li wankeb' xna'leb' ut taasachq xk'a'uxl li seeb'eb' xch'ool”.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Isaías 37:29

Laa'at xatjosq'o'k wik'in ut xwil naq xatq'etq'eto'k chiwu; jo'kan naq tinram laab'e, tintz'ap laawe ut tatinsutq'isi sa' laab'e b'arwi' xatchalk chaq”. Chirix chik a'an laj Isaías kixye re laj Esekías:

Jeremías 25:29

ok we chi xtaqlankil li rahilal sa' xb'een li tenamit sik'b'il ru inb'aan. Ma nekek'oxla naq texkole'q? Moko texkole'q ta, xb'aan naq ok we chi xtaqlankil chaq li raaxiik' sa' xb'een chixjunileb' li poyanam li wankeb' sa' ruuchich'och' -chan li Nimajwal Yos».

Jeremías 50:32

At q'etq'et aj tenamit, tattichk'oq, tatt'ane'q ut maajun taawaklesinq aawe. Tink'at chixjunileb' laatenamit ut li xam tixsach jo'ch'inal jo'nimal li wank chasutam”, chan li Qaawa'.

Números 24:24

Te'chalje'q poych'iich' toj Kitim, ut te'xrahob'tesi eb' laj Asur ut eb' laj Eber, ab'anan eb' a'an ajwi' te'oso'q chi junajwa”, chan.

Deuteronomio 32:27

Ab'anan ink'a' xwaj naq eb' li xik' neke'ilok reheb' te'xnimob'resi rib' ut te'xye: Laa'o xoosachok reheb', moko a' ta li Qaawa' xb'aanunk re a'in.

Proverbios 21:4

Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.

Isaías 2:12

Sa' li kutan a'an li Nimajwal Yos taachalq re xkub'sinkileb' xwankil li neke'xnima rib', eb' li q'etq'et ut li ninqeb' xwankil;

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.