Isaías 1:7 - Q'eqchi Bible

⁷ Leena'aj xkanaak chi po'lemil ut eb' leetenamit yookeb' chi k'atk. Eb' li xik' neke'ilok eere a'aneb' chik neke'tzekank ru leerawimq. Nakirnak aj chik chixjunil jo' naq kisache'k ru li tenamit Sodoom.

Li Santil hu

⁷ Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

Isaías 1:7 ပူးပေါင်းရင်းမြစ်များ

Lamentaciones 5:2

Anaqwan chixjunil li qeechanihom xq'axonk sa' ruq'eb' laj ab'l tenamit; ut eb' li qochoch, jalan chik x'eechanink re.

Deuteronomio 28:43

Laj ab'l tenamit li wank sa' eeyanq taanimanq xwankil sa' aab'een ut laa'at t'ane'k chik taab'aanu.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Oseas 7:9

Jalaneb' xtenamit yookeb' chi tawasink reheb' chi ink'a' neke'xk'e reetal a'an. K'ajo' naq xe'saqo'k li rismaleb' xjolom chi ink'a' neke'xnaw!

Ezequiel 30:12

Tink'eheb' chi chaqik li nima' Nilo ut tinq'axtesi Ejiipt sa' ruq'eb' li jalanil tenamit li ink'a' useb' xna'leb', re naq taasache'q a'an ut chixjunil li k'a'aq re ru wank chisa'. Laa'in, li Qaawa', xinyehok re a'in.

2 Crónicas 28:5

Li Qaawa' li xYos kixq'axtesi laj Ajás sa' ruq' li awab'ej re Aram, ut kik'ame'k sa' li tenamit Damaask. Kiq'axtesiik ajwi' sa' ruq' li awab'ej re Israel, ut q'axal ra kixk'ul.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.

Jeremías 6:8

Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Isaías 34:9

Eb' li nima' sa' xteepal Edom te'kanaaq cho'q raxkas, li xpojtz'il li na'ajej taasutq'iiq cho'q asuupr, ut li xch'och'el taakanaaq cho'q raxkas li yo xxamlel.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Isaías 5:17

Te'juk'e'q li tenamit ut aran, sa' li xpo'lemeb', te'ichajib'q eb' li karneer ut eb' li chib'aat.

Isaías 5:9

Jo'ka'in xwab'i chi xyeeb'al li Nimajwal Yos: “Naab'aleb' li ochoch te'juk'manq. Us ta jwal ninq ut ch'ina'usil kab'l te'wanq aran, maajun chik poyanam taawanq chisa'.

Salmos 107:39

Chirix chik a'an ink'a' chik k'i ke'kanaak ut lub'luukeb' aj chik; naab'al li rahilal ut ch'a'ajkilal ke'xk'ul chaq.

Salmos 107:34

Naxkanab' li chaab'il ch'och' cho'q pek atz'am, xb'aan li xmaa'usilaleb' xch'ool li winq wankeb' aran.

Levítico 26:34

Toja' naq li ch'och' taasaho'q xch'ool chi hilank chiru chixjunileb' li kutan naq taakanaaq chi yamyooq ut laa'ex wanqex sa' xtenamiteb' li xik' neke'ilok eere; jo'kan naq taahilanq ut taasaho'q xch'ool jo' reeqaj naq ink'a' xhilank junxil.

Levítico 26:33

Texincha'cha'i laa'ex sa' xyanqeb' li tenamit ut texwaanilasi rik'in q'esnal ch'iich'. Leena'aj taasutq'iiq cho'q chaqich'och', ut eb' leetenamit tinkanab'eb' cho'q po'lem.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Salmos 109:11

A' ta li nato'onink tumin chireechani jo'ch'inal jo'nimal li wank re, ut eb' laj ab'l poyanam che'relq'a ta chixjunil li naruuchin li xk'anjel.

Isaías 1:8

Sión xkanaak xjunes jo' li kuukil ochoch sa' li awimq, jo' junaq tenamit sutsu xb'aaneb' li xik' neke'ilok re.

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 49:19

Xb'aan naq laatenamit po'lem naq xwank, xjuk'mank ut nakirirnak xkanaak; ab'an anaqwan jwal taakach'ino'q ru xb'aan xk'ihaleb' li wanqeb' chisa', ut eb' li xe'sachok aawe jwal najt chik wanqeb'.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

Isaías 62:8

Li Qaawa' kixye li xjurament sa' xk'ab'a' li xwankilal: “Maajoq'e chik tink'e laatriiw reheb' li xik' neke'ilok aawe, chi moko eb' li jalanil poyanam te'ruk' chik laab'iin li xatawasi wi' aawib',

Isaías 64:10

Eb' laasantil tenamit neke'kirirnak xe'kanaak, maajun chik wank sa' li tenamit Sión ut Jerusalén xkanaak chi po'lemil.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Jeremías 7:34

Tinsach li sahil ch'oolejil sa'eb' li tenamit re Judá ut sa'eb' li b'e re Jerusalén; ink'a' chik taa'ab'iiq li b'ichank na'uxk sa' xkutankil li sumlaak. Xb'aan naq nakirirnak taakanaaq chixjunil li na'ajej”.

Jeremías 44:6

Jo'kan naq kilochk xxamlel linjosq'il ut q'axal kinjosq'o'k sa' xb'eeneb' li tenamit re Judá ut sa'atqeb' li b'e re Jerusalén. Ke'juk'mank ut nakirirnak ke'kanaak chalen toj anaqwan.

Ezequiel 25:4

Jo'kan naq texinq'axtesi sa' ruq'eb' li wankeb' chaq sa' xjayal releb'l saq'e: eb' a'an te'reechani leena'aj, te'xyiib'atq li xmuheb'aaleb' chisa' ut aran te'na'ajunq; a'aneb' chik te'tzekanq li ru leerawimq ut te'ruk' li xya'al xtu' leewakax.

Miqueas 5:11

Tinsach ruheb' laatenamit sa' laateepalil ut tinjuk'eb' laakawub'resinb'il ochoch.

Miqueas 6:13

Jo'kan naq xintikib' aarahob'tesinkil ut xsachb'al aawu xb'aaneb' laamaak.