Isaías 1:6 - Q'eqchi Bible

⁶ Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

Li Santil hu

⁶ Ma̱cꞌaꞌ chic rusil le̱ tibel. Naticla chak le̱ raylal saꞌ le̱ rok ut toj saꞌ le̱ jolom. Chixjunil le̱ tibel cuan xtochꞌolal ut cuan xyocꞌolal. Teto̱queb chic ru le̱ tochꞌolal. Ut ma̱ ani nabanoc re chi moco naru nequeꞌxlan ru. Ut ma̱ ani naqꞌuehoc li aceite chiru le̱ ra re risinquil lix rahil.—

Isaías 1:6 ပူးပေါင်းရင်းမြစ်များ

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

San Mateo 9:12

Li Jesus kirab'i a'an ut kixye: —Ink'a' neke'raj aj b'anonel li kaweb', a'eb' b'an li yaj neke'ajok re.

Jeremías 33:6

K'ehomaq reetal, laa'in tink'e xb'aneb' ut teb'ink'irtasi wi' chik. Tink'e naab'al xsahil xch'ooleb' re naq te'wanq sa' tuqtuukilal chi maak'a'aq chik xiwak.

San Lucas 10:34

Kijilok chi xk'atq, kixhoy aseeyt ut b'iin sa' li xtiq'ilal, toja' naq kixb'ati ru. Chirix chik a'an kixtaqsi sa' xb'een li xxul, kixk'am sa' jun ochochnaal, ut a'an ki'ilok re.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Salmos 77:2

Nataqe'k xyaab' linkux toj rik'in li Qaawa' naq ninjap we chi tz'aamank; nataqe'k xyaab' linkux toj rik'in li Yos, ut a'an taasumenq we.

Li xHu LAJ JOB 5:18

xb'aan naq a'an natiq'ok ut nak'irtasink, narahob'tesink ut naxkotz li rahilal.

Nahum 3:19

Maak'a' xb'anol laatiq'ilal, ink'a' chik nak'iraak. Chixjunileb' li neke'ab'ink re laarahilal neke'xpoq'poq'i li ruq'eb' xb'aan xsahil xch'ooleb'. Xb'aan naq ma wank tab'i' junaq li ink'a' xarahob'tesi laa'at chi kok'aq xsa'?”.

Jeremías 30:12

Li Qaawa' kixye ajwi' chi jo'ka'in: “Laarahilal maak'a' chik xb'anol ut maak'a' chik xja'lenkil.

2 Samuel 14:25

Aran Israel maajun winq chaq'al ru jo' laj Absalón; chixjunileb' neke'xk'e xloq'al xb'aan naq maak'a' reek' chalen chi roq toj sa' xsuutut.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Jeremías 6:7

Jo' naq nayo'laak li ha' sa' junaq jul, jo'kan ajwi' naq na'elk chaq li maa'usilal Jerusalén. Sa' li tenamit a'an ka'ajwi' li rahilal ut li elq'ak na'ab'imank resil; junes raaxiik' ut rahil ch'oolej nawil junelik.

Jeremías 30:15

K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.