Isaías 1:5 - Q'eqchi Bible

⁵ K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Li Santil hu

⁵ ¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Isaías 1:5 ပူးပေါင်းရင်းမြစ်များ

Ezequiel 24:13

«At Jerusalén, laa'in xwaj aach'ajob'resinkil rik'in laatz'i'b'eetalil b'aanuhom, a'ut laa'at ink'a' xakanab' aawib' chi ch'ajob'resiik. Tatsaqo'q ka'ajwi' naq twisi linjosq'il sa' aab'een.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Jeremías 5:31

Junes tik'ti' neke'xye eb' li propeet, eb' laj tij neke'xb'aanu li neke'raj xch'ooleb', ut lintenamit jo'kan neke'wulak chiruheb'! K'a' chik ru teeb'aanu naq toxraqe'q chixjunil a'in?»”.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Nehemías 9:34

Eb' li qa'awab'ej ut eb' laj k'amol qab'e, eb' laj tij ut eb' li qana' qayuwa' ink'a' ke'xpaab' laachaq'rab' chi moko ke'raj rab'inkil li kaye reheb' rik'ineb' laataqlahom ut laawaatin.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

2 Reyes 1:13

Li awab'ej kixtaqla wi' chik sa' rox sut jun chik xjolomileb' laj puub', rochb'een lajeeb' roxk'aaleb' chi winq. Koho chi tzuul laj jolominel, ab'an naq kiwulak, kixwiq'ib' rib' chiru laj Elías ut kixtz'aama chiru: “At xtaql li Yos, chakuy inmaak. Nintz'aama chawu naq chakol linyu'am ut li xyu'ameb' li lajeeb' roxk'aaleb' chi winq a'in aj k'anjeleb' chawu.

Jeremías 13:23

Ma naru nasaqo'k xtib'el laj q'eq? Ma naru naxsach li xtzipixil rix li hix? Jo'kan ajwi' laa'ex ink'a' texruuq xb'aanunkil li usilal xb'aan naq k'aynaqex chi xb'aanunkil li maa'usilal.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

Jeremías 44:15

Toja' naq jo'k'ihaleb' li neke'xnaw naq li rixaqileb' neke'k'atok k'ajpom chiruheb' li jalanil yos, chixjunileb' li ixq ch'utch'uukeb' aran jo'wi' chixjunileb' li wankatqeb' chaq Patros, sa' xteepal Ejiipt, ke'xye re laj Jeremías:

Lamentaciones 5:17

Jo'kan naq ra qach'ool, ut yo chi moyk xsa' li qu.

Ezequiel 34:4

Ink'a' nekech'oolani eb' li karneer li ink'a' neke'xkuy b'eek, chi moko nekeb'an eb' li yaj; ink'a' nekelan xtiq'ilal li naxtiq' rib', chi moko nekesutq'isi chaq li xsachk sa' xb'e, ink'a' nekesik' chaq eb' li sachenaq, xik' b'an chik nekerileb' ut k'ajo' leejosq'il rik'ineb'.

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.