Isaías 1:31 - Q'eqchi Bible

³¹ Li winq jwal kaw rib' kama'aq aj chik li k'im, ut li k'anjel naxb'aanu chanchanaq aj chik li chik'che': chi xkab'ichaleb' te'oso'q sa' xam ut maajun taaruhanq chi chupuk re li xam a'an”.

Li Santil hu

³¹ Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Isaías 1:31 ပူးပေါင်းရင်းမြစ်များ

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Ezequiel 32:21

Eb' li q'axal kaweb' rib' li ak wankeb' sa' xna'ajeb' li kamenaq, te'aatinaq rik'ineb' laj Ejiipt jo'wi' eb' li ke'tenq'ank reheb' ut te'xye: «Ak xe'kamk; jiljookeb' chik sa' muqleb'aal kamenaq eb' li ink'a' ke'xpaab' li Yos ut ke'kamsiik sa' li raaxiik'!».

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Apocalipsis 19:20

Ab'an li josq' aj xul kichape'k rochb'een li propeet aj b'alaq', a' li kib'aanunk chaq re sachb'ach'oolej chiru li josq' aj xul, ut sa' xk'ab'a' a'an kixb'alaq'iheb' li xk'ulumeb' reetalil li josq' aj xul ut ke'xloq'oni li xjalam u. Eb' li wiib' a'in ke'kute'k chi xkab'ichaleb' chi yo'yo sa' xxamlel li palaw li yo chi k'atk rik'in asuupr.

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

Isaías 50:11

Ab'anan laa'ex li nekexlochok xam ut neketz'ab' li ru xam, tex'oso'q chejunilex sa' raq' leexam ut sa' ru xam li xetz'ab'. Laa'in tinb'aanunq re chixjunil a'an: jiljooqex sa' rahilal.

Isaías 43:17

Kixk'eheb' chi yalok k'iila aj puub' q'axal kaweb' rib', rochb'eeneb' li b'eleb'aal ch'iich' ut eb' li kawaay, yal re xsachb'al ruheb': junxikikeb' chi kamk. Ke't'ane'k ut maajun chik kiwakliik; ke'oso'k jo' naq nachupk li saqenk. Jo'ka'in naxye anaqwan:

Isaías 33:14

Xsachk xch'ooleb' laj maak li wankeb' Sión, k'ajo' naq kichalk xxiweb' li ink'a' useb' xna'leb': “Ani qe tixkuy wank sa' li xam nasachok? Ani taaruuq chi wank sa' li xam li ink'a' nachupk?”, chankeb'.

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Jueces 15:14

Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Isaías 24:6

Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

Isaías 33:11

Leek'uub'ahom laa'ex a'an yal mul ut k'im; linmusiq' taasachoq re jo' naq li mul na'oso'k xb'aan li xam.

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.