Isaías 1:3 - Q'eqchi Bible

³ Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Li Santil hu

³ Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Isaías 1:3 ပူးပေါင်းရင်းမြစ်များ

Jeremías 8:7

Li nimla jotz sa' choxa naxnaw li xq'ehil li xsutq'ijik; li mukuy, li wilix ut li xpatux ha' neke'xnaw jo'q'e te'elq sa' li xna'ajeb'. Ab'an lintenamit ink'a' naxnaw li xchaq'rab' li Qaawa'.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Salmos 94:8

K'ehomaq reetal, ex tenamit li maak'a' eena'leb'; ex jip, toj jo'q'e teetaw xyaalal?

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

2 Pedro 3:5

Ink'a' neke'raj xtawb'al ru naq ak junxil chaq kiwank li choxa jo'wi' li ch'och' li ki'elk chaq sa' ha', a' li k'ojob'anb'il sa' xyanqeb' li ha' xb'aan Raatin li Yos.

Proverbios 6:6

Laa'at li ink'a' nawulak chawu k'anjelak, il li sank, chak'e reetal chanru yo chi k'anjelak ut tzol aawib' rik'in.

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

San Mateo 13:19

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Isaías 5:13

Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Ezequiel 16:30

«Tik moko chaab'il ta laayu'am -chan li Qaawa'- re xb'aanunkil li k'iila maa'usilal nakab'aanu, numtajenaq wi' chik chiru junaq aj yumb'eet.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

Isaías 42:20

Naab'al li k'a'aq re ru aawilom, ab'an maajun xataw xyaalal; q'es raj laaxik chi ab'ink, ab'an maak'a' nakawab'i.

Jeremías 35:16

Eb' laj Jonadab, li ralal laj Rekab, relik chi yaal naq xe'xpaab' li xchaq'rab'inkileb' xb'aan li xxe'toonil yuwa'eb', ab'an li tenamit a'in ink'a' nikine'xpaab'.

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.