Isaías 1:29 - Q'eqchi Bible

²⁹ Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Li Santil hu

²⁹ La̱ex texxuta̱na̱k xban nak xelokꞌoni li ni̱nki cheꞌ ji. Cꞌajoꞌ nak texxuta̱na̱k nak te̱ril lix naꞌaj li utzꞌuꞌuj li quesicꞌ ru re te̱lokꞌoni.

Isaías 1:29 ပူးပေါင်းရင်းမြစ်များ

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Isaías 65:3

jun tenamit li junelik naxchiq' injosq'il chi xnaq' wu xb'aan naq namayejak chiruheb' li jalanil yos sa' xna'ajeb' li awimq ut naxk'at li k'ajpom sa' xb'eeneb' li xanil artal;

Isaías 57:5

li nekexxik chi xb'aanunkil leemaa'usilal rub'eleb' li ji malaj rub'elatq k'a'aq chik chi ninqal che'; nekekamsi leekok'al chireheb' li nima' ut sa'atqeb' li ochoch pek.

Oseas 4:13

Neke'xik chi mayejak sa' xjolomeb' li tzuul ut sa' xb'eeneb' li b'ool neke'k'atok k'ajpom; jo'kan ajwi' neke'xb'aanu rub'eleb' li xninqal che', xb'aan naq sa neke'hilank rub'el li xmuheb' a'an. Eb' leerab'in neke'yumb'eetak ut eb' leeralib' neke'xmux li xsumlajikeb'.

Ezequiel 16:63

Chi jo'kan taajultiko'q aawe, taakub'si laawankil ut ink'a' chik taate laawe xb'aan laaxutaan, naq tinkuy tinsach chixjunileb' laamaak»”, chan li Qaawa'.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

Oseas 14:8

Ut laj Efraín tixye: «K'a' te'waj wi' laa'in eb' li yal k'oxlanb'il yos?». Laa'in nin'ilok ut ninkolok aawe; laa'in chanchanin jun toon chi saqichaj jwal raxrax ru. Laa'in nink'ehok aawe chi uuchink”.

Oseas 14:3

Eb' laj Asiria ink'a' naru nokoohe'xkol, chi moko too'eleliq chirixeb' li kawaay; ink'a' chik tqaye «At qaYos» re li xqak'uub' rik'in quq', xb'aan naq ka'ajwi' aawik'in, at Qaawa', naxtaw ruxtaanankil ru li neb'a'yox”.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Ezequiel 6:13

Toj aran teenaw laa'ex naq laa'in li Qaawa' Yos, naq teerileb' li kamenaq sa' xyanqeb' li jalanil yos ut chi xsutameb' li artal, sa' xb'eenatqeb' li b'ool najteb' xteram, sa' xjolomeb' li ninqal tzuul, rub'elatqeb' li che', eb' li ninqi ji ut sa'atqeb' li na'ajej xe'mayejak wi' li sununkil pom chiruheb' li xyoseb'.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Jeremías 2:20

“Laa'at ak junxil chik kawisi aawib' rub'el inwankil, ut kaq'etq'eti aawib' chiwu ut kaye: «Ink'a' chik nawaj k'anjelak chawu», chankat. Ut sa' xb'eenatq eb' li b'ool ut rub'elatq li ninqi che' katyoklaak ut kamux aawib' jo' junaq aj yumb'eet.

Isaías 45:16

Sachsooqeb' xch'ool te'kanaaq laj yiib'ahom jalanil yos, te'kub'siiq xwankil ut te'se'eeq.

Isaías 31:7

Sa' li kutan a'an chejunilex teetz'eqtaanaheb' li jalanil yos yiib'anb'il rik'in plaat jo'wi' eb' li jalam u oor li xeyiib' rik'in leeruq' xb'aan leemaa'usilal.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 42:17

Chi k'ajo'aq xxutaaneb' te'eleliq li neke'xkawub'resi xch'ooleb' chirixeb' li jalanil yos, eb' li neke'yehok re junaq jalam u: “Laa'at li qayos”.

Oseas 4:19

K'amb'ilaqeb' yalaq b'ar xb'aan li iq' naq te'oso'q, ut q'axal te'xutaanaq xb'aan naq xe'xmux li xpaab'aaleb'.