Isaías 1:25 - Q'eqchi Bible

²⁵ Ok wi' chik we cherahob'tesinkil, texinch'ajob'resi jo' na'uxk re li plaat re risinkil eerik'in leemaa'usilal.

Li Santil hu

²⁵ La̱in tinrakok a̱tin saꞌ e̱be̱n. Ut tincuisi le̱ ma̱usilal joꞌ nak na-isi̱c xtzꞌajnil li plata saꞌ li xam.

Isaías 1:25 ပူးပေါင်းရင်းမြစ်များ

Malaquías 3:3

Taak'ojlaaq chi puuxink ut chi ch'ajob'resink. Tixch'ajob'resiheb' li ralal xk'ajol laj Leví ut tixpuuxiheb' jo' na'uxk re li oor ut li plaat; ut tz'aqal a'anaqeb' chik li te'mayejaq chiru li Qaawa' sa' tiikilal.

Jeremías 9:7

Jo'kan naq li Qaawa', li Nimajwal Yos, kixye chi jo'ka'in: “Tinrahob'tesi lintenamit re xch'ajob'resinkileb', xb'aan naq k'a' ta chik ru tinb'aanu reheb' re te'usaaq?

Isaías 4:4

Naq li Qaawa' taarisi li xmaa'usilaleb' laj Sión ut tixkuy xmaakeb' li ke'kamsink aran Jerusalén, naq akaq xch'ajob'resi xsa' li tenamit rik'in li xloq'laj musiq' ut li xxamlel li xjosq'il,

Isaías 1:22

Junxil chanchanex li plaat ut anaqwan jo'kex aj chik li mul; chanchanex li chaab'il b'iin xb'enwa, ab'an anaqwan kama'ex aj chik li yal ha'.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Ezequiel 22:22

Jo' naq naha'lesiik li plaat sa' li chiqleb'aal, jo'kan ajwi' naq tex'oso'q laa'ex sa' li tenamit, ut teenaw naq laa'in, li Qaawa', xwisi linjosq'il sa' eeb'een”.

Ezequiel 20:38

Twisiheb' sa' eeyanq eb' li q'etq'et ut eb' laj q'etol aatin; twisiheb' sa' li na'ajej wankeb' wi' anaqwan, ab'anan ink'a' te'ok sa' xteepal Israel. Ut aran teenaw naq laa'in li Qaawa'.

Jeremías 6:29

Sa' tiqwal xam nach'ajob'resiik li q'unch'iich', ab'an maak'a' aj e naq naxtawasi rib' laj k'anjel wi ink'a' na'elk li xtz'ajnil li q'unch'iich'. Jo'kaneb' ajwi' li ink'a' useb' xna'leb': ink'a' na'elk li xmaa'usilaleb' xch'ool.

Apocalipsis 3:19

«Laa'in chixjunileb' li nekeb'inra, nekeb'inq'us ut nekeb'intij. K'e b'i' aach'ool ut jal aak'a'uxl.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Ezequiel 22:20

Jo' naq natuub'aak li k'iila paay chi ch'iich' re xha'lesinkil sa' xam sa' li chiqleb'aal, jo'kan ajwi' tinb'aanu laa'in xb'aan linjosq'il: texintuub' ut tinsach eeru chi junwaakaj.

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Salmos 119:119

Muleb' naq nakawil li ink'a' useb' xna'leb' sa' ruuchich'och'; jo'kan naq numtajenaq ninra laataqlahom.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Ezequiel 22:19

Jo'kan naq laa'in, li Qaawa', ninye chi jo'ka'in: Laa'ex maak'a' chik nekex'ok wi', jo'kex li xq'ol ch'iich'; jo'kan naq texinch'utub' sa' xyi Jerusalén.

Jeremías 9:6

Ka'aj chik li b'alaq'ik ut li tik'ti'ik wank sa' xch'ooleb', ink'a' neke'raj xnawb'al ru li Qaawa'.