Isaías 1:24 - Q'eqchi Bible

²⁴ Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Li Santil hu

²⁴ Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Isaías 1:24 ပူးပေါင်းရင်းမြစ်များ

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 61:2

re xyeeb'al resil jun chaab'il chihab' sa' xk'ab'a' li Qaawa', a' li xkutankil li eeqajunk cho'q re li qaYos. Li Qaawa' xinxtaqla chaq re xk'ojob'ankil xch'ooleb' chixjunileb' li yookeb' chi yaab'ak.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Isaías 35:4

Yehomaq reheb' li yookeb' xxiw: “Kawaq eech'ool ut mexxiwak! Chalk re leeYos chekolb'al, we' chaq chi eeqajunk. Chalk re ut texxkol!”.

Deuteronomio 28:63

Jo' chanru naq li Qaawa' xsaho'k xch'ool cherusilankil ut chetamresinkil, kama' a'an ajwi' naq taasaho'q xch'ool chetz'eqtaanankil ut eesachb'al. Tex'isiiq chaq sa' li ch'och' ok eere chi reechaninkil.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Hebreos 10:13

yo chi royb'eninkil naq taawulaq xq'ehil naq te'k'ehe'q rub'el roq eb' li xik' neke'ilok re.

Ezequiel 21:17

Laa'in tinpoq'poq'i ajwi' eb' li wuq', ut twisi linjosq'il sa' xb'eeneb' toj reetal taak'ojlaaq linch'ool”, chan li Qaawa'.

Ezequiel 16:42

Toja' naq taach'anaaq linjosq'il sa' aab'een ut taa'oso'q li xmay inch'ool. Rik'in a'an taak'ojlaaq li waanm ut ink'a' chik tinjosq'o'q.

Ezequiel 5:13

“Toja' naq twisi linjosq'il sa' xb'eeneb' ut tin'eeqajunq toj reetal taak'ojlaaq linch'ool. Ut naq akaq xwisi linjosq'il sa' xb'eeneb', te'xnaw naq laa'in, li Qaawa', xinb'aanu chi jo'kan xb'aan naq namayok li waanm.

Isaías 30:29

Ab'an laa'ex texb'ichanq jo' na'uxk chiru q'oqyink sa' junaq loq'laj ninq'e. K'ajo' naq taasaho'q leech'ool, jo' naq nasaho'k xch'ool junaq poyanam xb'aan xyaab' li xolb' naq naxik sa' li xtzuul li Qaawa', sa' li xmuheb'aal laj Israel!

Salmos 132:2

Jultikaq aawe li xyehom sa' jurament, at xNimajwal Yos laj Jakob:

Deuteronomio 32:43

“Ex tenamit, chexsaho'q eerochb'een li xtenamit li Yos, xb'aan naq A'an tixk'e reeqaj li xkik'eleb' laj k'anjel chiru, taa'eeqajunq sa' xb'eeneb' li xik' neke'ilok re, ab'an tixkuy xmaakeb' li xtenamit ut taarisi li maa'usilal sa' li xna'ajeb'”.

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Jeremías 9:9

Ma ink'a' tab'i' tink'eheb' chi xtojb'al rix li maak a'an? Ma ink'a' tab'i' tink'ajtesi ruheb' li tenamit jo'ka'aneb'? -chan li Qaawa'-.

Miqueas 5:15

Chirix chik a'an, rik'in linjosq'il tin'eeqajunq sa' xb'eeneb' li tenamit li ink'a' xe'ab'ink”.

Ezequiel 5:12

Jun rox jachaleb' laapoyanam, a Jerusalén, te'kamq xb'aan li raxkamk ut li we'ej; li jun rox jachal chik te'kamsiiq chi ch'iich' chasutam xb'aaneb' li xik' neke'ilok aawe, ut li rox jachal chik tincha'cha'iheb' junsut junrub'el choxa. Ut laa'in twaanilasiheb' chi ch'iich'.