Isaías 1:23 - Q'eqchi Bible

²³ Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Li Santil hu

²³ Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Isaías 1:23 ပူးပေါင်းရင်းမြစ်များ

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Zacarías 7:10

Meerahob'tesi li xmalka'an, li neb'a'yox, laj ab'l tenamit ut li neb'a'; chi moko teek'oxla sa' leech'ool xb'aanunkil li rahilal cherib'il eerib'.

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

San Lucas 19:46

ut kixye reheb': —Tz'iib'anb'il sa' li Santil Hu naq li wochoch a'anaq rochochil li tijok; ut laa'ex xek'e cho'q xna'ajeb' laj elq'.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Isaías 3:14

Li Qaawa' xchalk chi xb'oqb'aleb' sa' raqb'a aatin, ut tixye reheb' li cheekel winq ut eb' laj k'amol xb'e li xtenamit: “Laa'ex xexsachok re li wawimq uub', ut xnujak leerochoch rik'in li k'aru xerelq'a reheb' li neb'a'.

San Marcos 11:17

Naxtzoleb' ut naxye reheb': —Ma ink'a' tab'i' tz'iib'anb'il sa' li Santil Hu naq li wochoch tixk'ab'a'in rochochil li tijok cho'q re chixjunileb' li tenamit? Ut laa'ex xek'e cho'q xna'ajeb' laj elq'!

San Mateo 21:13

Ut kixye reheb': —Tz'iib'anb'il sa' li Santil Hu naq li wochoch rochochil li tijok tixk'ab'a'in; ut laa'ex yookex chi xk'eeb'al cho'q xna'ajeb' laj elq'.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Oseas 9:15

Jo'ka'in ajwi' xye li Qaawa': “Chixjunil li xmaa'usilaleb' kik'utunk aran Kilkal; aran ajwi' kintikib' xxik'b'al rilb'aleb'. Xb'aan li xyib'al ru xb'aanuhomeb' te'wisiheb' sa' linmuheb'aal ut ink'a' chik tinraheb', xb'aan naq jwal q'etq'eteb' chixjunil laj k'amol xb'eheb'.

Oseas 4:18

Xb'aan li kalaak chixjunileb' neke'raj xmuxb'al rib' ut ink'a' chik neke'xkol rix li xloq'aleb': a' chik li Tz'i'b'eetal nawulak chiruheb'.

Jeremías 22:17

“A'ut laa'at a' li tumin naxik wi' laach'ool ut maak'a' nakawaj wi' chanru naq taataw; nakak'eheb' chi kamk li maak'a'eb' xmaak, ut nakarahob'tesi ut nakasacheb' laatenamit”.

Jeremías 5:5

Tinxik rik'ineb' li ninqeb' xwankil ut twaatinaheb', xb'aan naq eb' a'an neke'xnaw li xb'e li Qaawa' ut tzolb'ileb' chi us sa' li xchaq'rab' li xYoseb'”. Ab'anan juntaq'eet ajwi' xwil aran: xe'xq'etq'eti ajwi' rib' a'an chiru li Qaawa' ut ink'a' xe'raj ab'ink.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.

Proverbios 17:23

Li ink'a' us xna'leb' nak'uluk tumin sa' muqmu, re naq ink'a' taawanq li tiikilal.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Isaías 1:22

Junxil chanchanex li plaat ut anaqwan jo'kex aj chik li mul; chanchanex li chaab'il b'iin xb'enwa, ab'an anaqwan kama'ex aj chik li yal ha'.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Jeremías 4:17

Jo'keb' laj k'aak'alenel ch'och' naq te'xsut Jerusalén xb'aan naq xq'etq'eti rib' chiwu -chan li Qaawa'-.

Jeremías 32:32

xb'aan chixjunil li maa'usilal xb'aanuhomeb' laj Israel jo'wi' eb' laj Judá, re xyoob'ankil linjosq'il, rochb'eeneb' li awab'ej, eb' laj jolominel, eb' laj tij, eb' li propeet ut chixjunileb' li wankeb' Judá ut Jerusalén.

Ezequiel 12:2

“At kaamel winq, wankat sa' xyanqeb' jun q'etq'etil tenamit: wank xsa' ruheb' ut ink'a' neke'ilok, wank xxikeb' ut ink'a' neke'ab'ink, xb'aan naq q'axal aj q'etoleb' aatin.

Oseas 5:10

Li Qaawa' naxye chi jo'ka'in: “Eb' li xninqaleb' ru winq re Judá a'an xkomoneb' li neke'jalok xna'aj xnub'ajl li ch'och'. A'ut laa'in twisi linjosq'il sa' xb'eeneb' jo'aq li b'ut'iha'.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Números 22:7

Koheb' b'i' li xcheekelaleb' laj Mohab ut laj Madián rik'in tumin re xtojb'al li majewank. Ke'wulak rik'in laj Balaham ut ke'xye re chixjunil li xyehom laj Balak.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Isaías 1:17

Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Isaías 28:14

Ab'ihomaq li raatin li Qaawa', laa'ex li jwal sa nekexse'ek anaqwan ut li nekexjolomink re li tenamit Jerusalén.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.