Isaías 1:21 - Q'eqchi Bible

²¹ Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.

Li Santil hu

²¹ ¿Chanru nak xejal e̱naꞌleb, ex tenamit? Junxil xine̱lokꞌoni ut xexcuan saꞌ ti̱quilal. Abanan anakcuan xine̱tzꞌekta̱na. Chanchanex chic li ixk li naxcꞌayi rib. Anakcuan la̱ex chic aj camsinel.

Isaías 1:21 ပူးပေါင်းရင်းမြစ်များ

Apocalipsis 11:8

Ut li xch'och'el sululeb' a'an te'kanaaq sa'eb' li xaalib'e re li xNimal Tenamit li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an.

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

Hebreos 12:22

K'ehomaq reetal, laa'ex xexjilok chi xk'atq li tzuul Sión, rik'in li xtenamit li yo'yookil Yos, a' li choxahil Jerusalén, rochb'een li k'iila o'q'ob' chi ánjel; xexjilok wan wi' li nimla ch'utam,

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Salmos 48:8

jo'keb' li jukub' re li tenamit Tarsis nalaje'sache'k xb'aan li iq' nachalk sa' releb'l saq'e.

Salmos 48:1

B'ich. Xsaalm eb' li ralal xk'ajol laj Koré.

Salmos 46:4

Us ta ch'oxb'aqeb' xyaab' li ha' naq te'pujk'uq chaq, us ta talaje'eek'anq li tzuul xb'aan xkawil oq li palaw, ab'an li Qaawa', li Nimajwal Yos, wank qik'in, li xYos laj Jakob a'an laj kolol qe.

Nehemías 11:1

Eb' li xjolomil li tenamit ke'na'ajunk Jerusalén; ut eb' li junch'ol chik ke'b'uuliik rixeb', re naq sa' xyanq li lajeetq chi winq jun taakanaaq chi wank Jerusalén, li Loq'laj Tenamit, ut li b'eleeb'eb chik toxe'na'ajunq sa'eb' li jalaneb' tenamit.

2 Crónicas 19:9

Ut kixchaq'rab'iheb' chi jo'ka'in: “Chiwanq eexiw chiru li Qaawa' ut teeb'aanu leek'anjel sa' tiikilal ut chi anchal eech'ool.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Isaías 1:22

Junxil chanchanex li plaat ut anaqwan jo'kex aj chik li mul; chanchanex li chaab'il b'iin xb'enwa, ab'an anaqwan kama'ex aj chik li yal ha'.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Isaías 59:14

Tz'eqtaananb'il chik li tiikilal, ut maak'a' chik li tiikil ch'oolej sa' qayanq; maab'ar chik nayeemank li yaal ut li k'ulub'ej ramro li b'e re ok qik'in.

Isaías 59:15

Maajun chik nab'aanunk li yaal, ut wi junaq xrisi rib' sa' li maa'usilal namaq'e'k li k'aru wank re. K'ajo' naq xchalk xjosq'il li Qaawa' chi rilb'al naq maak'a' chik li k'ulub'ej.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Habacuc 1:4

Ink'a' napaab'aak li chaq'rab' ut ink'a' chik na'uxmank li tiikilal. Li ink'a' us xna'leb' naxch'i'ch'i'i li tiik xch'ool ut naxjal xyaalal li k'ulub'ej.

Isaías 26:10

Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.